హైదరాబాద్ లో ఐకియా రిటైల్ షోరూం, భూమి కోనుగోలు..

Posted: 07/11/2015 08:30 PM IST

స్వీడెన్ కు చెందిన ప్రపంచ ఫర్నిచర్ దిగ్గజ రిటైల్ సంస్థ హైదారబాద్ లో పెట్టుబడులు పెట్టేందుకు రంగం సిద్దం చేసుకుంది. ఈ మేరకు హైదరాబాద్ లోని హైటెక్ సిటీ ప్రాంతంలో స్థలాన్ని కూడా కొనుగోలు చేసింది. దీర్ఘ కాలంలో హైదరాబాద్ సహా భారత్ దేశ వ్యాప్తంగా పలు షోరూంలను ఏర్పాటు  చేయాలని సంస్ధ నిర్ధేశించుకుంది. తొలి షో రూంను హైదరాబాద్ లో ఏర్పాటు చేయాలని ఏర్పాట్లు చేస్తుంది. హైదరాబాద్ షో రూం ఏర్పాటుకు సంబంధించి హైటెక్ సిటీకి సమీపంలో 13 ఏకరాల స్థాలన్ని కూడా ఐకియా కొనుగోలు చేసింది.

వచ్చే పదేళ్లలో సుమారు 10,500 కోట్ల రూపాయల పెట్టుబడులను పెట్టడానికి ఐకియా ముందుకోచ్చింది. దేశవ్యాప్తంగా 25 షో రూంలు ఏర్పాటు చేయాలన్న లక్ష్యంలో భాగంగా హైదరాబాద్ లో 500 కోట్ల రూపాయల వ్యయంతో  దుకాణాన్ని ఏర్పాటు చేయనుంది. మేక్ మోర్ ఇన్ ఇండియా అనే కార్యక్రమంలో భాగంగా స్థానిక సరఫరాదారుల నుంచి ఫర్నిచర్ ను అత్యధికంగా సేకరించనున్నట్లు ఐకియా ఇండియా చీఫ్ ఎగ్జిక్యూటివ్ ఆఫీసర్ జువెన్సియో  మేజు తెలిపారు.

జి. మనోహర్