కాంగ్రెస్ లో చేరేందుకు రంగం సిద్దం చేసుకున్న ఖుష్బూ

Posted: 11/26/2014 05:53 PM IST

South indian actress kushboo set to join congress party

ఢిఎంకే పార్టీలో అధినేత కరుణానిధికి అయన పుత్రరత్నాలకు మధ్య పలు వివాదాలు తలెత్తడంతో.. ఒక వర్గానికి శత్రువుగా మారిన తమిళనాడు సినీతార ఖష్బూ.. గత కొన్ని నెలలుగా ఆ పార్టీకి దూరంగా వుంటున్నారు. ఆరు నెలల నుంచి పార్టీకి దూరంగా వున్న అమె త్వరలో ఆ పార్టీకి గుడ్ బై చెప్పనున్నారు. దేశవ్యాప్తంగా వీస్తున్న నరేంద్రమోడీ గాలితో ఆ పార్టీలో చేరుతుందేమో అనుకున్న రాజకీయ విశ్లేషకుల అంచనాలను తలకిందులు చేసింది. తాను బీజేపిలో చేరబోనని కుండబద్దలు కోట్టిన ఖష్బూ కాంగ్రెస్ తీర్థం పుచ్చుకునేందుకు రంగం సిద్దం చేసుకున్నారు. పార్టీ అధినేత్రి సోనియాగాంధీ సమక్షంలో ఢిల్లీలో ఆమె కాంగ్రెస్ లో చేరుతారని తమిళనాడు పీసీసీ అధ్యక్షుడు ఈవీకేఎస్ ఇళంగోవన్ తెలిపారు.

విశేష ప్రజాదరణ ఉన్న ఖుష్బూ లాంటి వాళ్లు చేరడం పార్టీకి ఎంతో ఉపయోగపడుతుందని, ప్రధానంగా జీకే వాసన్ వెళ్లిపోయిన సమయంలో నైరాశ్యంలో ఉన్న కార్యకర్తలకు ఇది మంచి ఊతం ఇస్తుందని రాజకీయ విశ్లేషకులు భావిస్తున్నారు, పెళ్లికి ముందే సెక్స్ లాంటి అంశాల గురించి వివాదాస్పద వ్యాఖ్యల ద్వారా బాగా ప్రచారం పొందిన ఖుష్బూ.. డీఎంకే నాయకత్వంపై అసంతృప్తితో జూన్ 16న ఆ పార్టీ నుంచి బయటకు వచ్చారు. 2010లో డీఎంకే అధికారంలో ఉన్నప్పుడు ఆమె ఆ పార్టీలో చేరారు.

జి.మనోహర్