గుల్బర్గా అయ్యిందిక కలాబురాగీ..

Posted: 10/18/2014 01:18 PM IST

Names of 12 karnataka cities changed belgaum is now belagavi

గుల్బర్గా పట్టణం పేరు మారింది. ఇకపై గుల్బర్గా అంటే ఎవరు తీసుకెళ్లరు. ఇకపై ఆ సిటీ పేరు కలాబురాగీ. ఇదే కాదు కర్ణాటకలోని 12 నగరాలు పట్టణాల పేర్ల మార్పుకు కేంద్రం అంగీకారం తెలిపింది. దీంతో కర్ణాటకలోని 12 పట్టణాల పేర్ల మార్పుకు కేంద్రం అనుమతినిచ్చింది. కర్ణాటక రాష్ట్ర ప్రభుత్వ వినతి మేరకు బెంగళూరు పేరును గతంలో మార్చిన ప్రభుత్వం ఇప్పుడు మరో 12 పట్టణాలు, నగరాల పేర్లను మార్చేందుకు అంగీకారం తెలిపింది.మంగళూర్ పేరును మంగళూరుగాను, భెల్లారి పేరును భళ్లారిగాను, బీజపూర్ పేరును విజయపుర, చిక్ మంగళూర్ పేరును చిక్కా మంగళూరు, గుల్బర్గా పేరును కలాబురాగీ, మైసోర్ పేరును మైసూర్, హాస్సెట్ పేరును హోసపేట, షిమోగా పేరును శివమొగ్గ, హుబ్లీ పేరును హుబ్బాలీ, తుంకూర్ పేరును తుమకూర్ గా మార్చింది.

తమ రాష్ట్రంలోని పేర్లను మార్చేందుకు అనుమతించాలంటూ కర్ణాటక ప్రభుత్వం.. 2006లో ప్రతిపాదిత పేర్లను కేంద్రానికి తెలియజేసింది. తమ మాతృబాషలో అన్వయించుకునేందుకు, బాష వచ్చిన కన్నడీగులు పేర్లను చెప్పందుకు వీలుగా వుండే విధంగా పేర్లను మార్చాలని రాష్ట్ర ప్రభుత్వం కేంద్రాన్ని కోరింది. తమ రాష్ట్ర స్వర్ణోత్సవ సంబరాలలు జరుపుకోనున్న నేపథ్యంలో ఈ మార్పలకు అనుమతించాలని మరోమారు ఇటీవల రాష్ట్ర ప్రభుత్వం కేంద్రాన్ని విన్నవించింది. దీంతో ఈ వ్యవహరంపై దృష్టి సారించిన కేంద్ర ప్రభుత్వం సర్వే అఫ్ ఇండియా, రైల్వే మంత్రిత్వశాఖ, కేంద్ర తపాలా శాఖ, శాస్త్ర సాంకేతిక శాఖ, ఇంటెలిజెన్స్ బ్యూరో తదితర శాఖలతో చర్చించింది. ఆయా శాఖలన్నీ పట్టణాల పేర్ల మార్పకు అంగీకరిస్తున్నట్లు సమ్మతించడంతో పాటు తమకు అభ్యంతరం లేదని అనుమతినివ్వడంతో కేంద్ర ప్రభుత్వం పట్టణాలు, నగరాల పేర్లు మార్చేందుకు అంగీకారం తెలిపింది. ఈ మేరకు తమ శాఖలలో కూడా మార్పలు చేసుకోవాలని కేంద్రం సదరు శాఖలకు సూచించించింది.

జి.మనోహర్