ఓన్లీ మాటలు తప్ప... చేతల్లేవ్ - సోనియా

Posted: 10/04/2014 03:50 PM IST

కాంగ్రెస్ అధినేత్రి సోనియాగాంధీ కేంద్రంలోని ఎన్డీయే ప్రభుత్వంపై మండిపడ్డారు. ప్రభుత్వ విధానాలు లక్ష్యంగా విమర్శలు సంధించారు. హర్యానాలోని మెహమ్ లో జరిగిన ఎన్నికల ప్రచారంలో సోనియా పాల్గొన్నారు. ఈ సందర్బంగా ఎన్డీయే విధానాలను తూర్పారబట్టారు. ప్రబుత్వం  ప్రజలకు తప్పుడు హామిలు ఇస్తుందన్నారు. ద్రవ్యోల్బణం  తగ్గిస్తామన్న ప్రభుత్వం ఆ దిశగా చేసిన చర్యలు మాత్రం శూన్యం అని విమర్శించారు. ఇప్పటివరకు ప్రభుత్వం హామీలు ఇవ్వటం తప్ప చేసిందేమి లేదన్నారు.

ఉద్యోగాలు కల్పిస్తామన్న హామిని ప్రభుత్వం నెరవేర్చలేదన్నారు. ఇదే సమయంలో ఇచ్చిన మిగతా హామిలను కూడా సర్కారు మర్చిపోయిందన్నారు. మాటలు తప్ప.., చేతలు  లేని  ప్రభుత్వం కేంద్రంలో ఉందన్నారు. నల్లధనం వెనక్కి తెస్తామని గొప్పలు చెప్పిన ప్రభుత్వం ఇంతవరకు ఆ దిశగా  ఏం చేసిందో చెప్పాలన్నారు. యూపీఏ పధకాలను పేర్లు మార్చి కాపి కొట్టడం తప్ప కొత్త పధకాలను ప్రవేశపెట్టలేదన్నారు. కేవలం ఆర్భాటాలు, గొప్ప ప్రచారాలకే ప్రభుత్వం పరిమితం అయిందని సోనియా విమర్శించారు.

 

కార్తిక్