బాక్సింగ్ లో పసిడిని పండించిన మేరీకోమ్

Posted: 10/01/2014 12:44 PM IST

బాక్సర్ మేరీకోమ్ పసిడి పంచ్ విసిరింది. ఆసియా క్రీడల్లో 12వ రోజున భారత్కు మరో బంగారు పతకం లభించింది. 51 కేజీల మహిళల విభాగంలో మేరీకోమ్ పసిడి పతకాన్ని కైవసం చేసుకుంది. ఫైనల్స్లో కజికిస్తాన్ బాక్సర్ జైనా షెకర్ బెకోవాపై ఆమె విజయం సాధించింది.  ఇక ఆసియా క్రీడల్లో ఆమెకు ఇదే తొలి బంగారు పతకం కావడం పట్ల మేరికోమ్ ఆనందానికి అవధులు లేకుండా పోయాయి.  దాంతో ఇప్పటివరకూ భారత్కు ఏడు స్వర్ణాలు, 8 రజిత, 32 కాంస్య పతకాలతో పదో స్థానంలో నిలిచింది.

మరోవైపు వాలిబాల్ విభాగంలో భారత్ పురుషుల జట్టు గత ఏడాది ఛాంపియన్లుగా నిలిచిన జపాన్ చేతిలో ఓటమి పాలయ్యారు. 5 సెట్లలో భారత్ జట్టు రెండు సెట్లను గెలువగా, మరో మూడు సెట్లను జపాన్ గెలిచి సెమీ ఫైనల్స్ లోకి దూసుకెళ్లగా, భారత్ జట్టు తిరుగుపయనం కానుంది. అటు గ్రీకో, రోమన్ రెజ్లింగ్ల్ లోనూ భారత క్రీడాకారులు ఓటమిని చవిచూశారు. పురుషులు రెజ్లింగ్ లో 75, 85, 130 విఃభాగాల్లో భారత క్రీడాకారులు ప్రత్యర్థుల చేతిలో ఓడిపోయారు.

జి.మనోహర్