సుప్రీం సాక్షిగా.. మహిళా న్యాయవాది ఆత్మహత్యా యత్నం

Posted: 09/22/2014 05:09 PM IST

అమెది ఛత్తీస్ గఢ్, అందులోనూ న్యాయవాది. తనకు జరిగిన అన్యాయంపై పిర్యాదు చేసింది. ఇదిగో అదిగో అంటూ ఏడాది గడిచింది. అయినా తనకు అన్యాయం చేసిన వారిపై ఇప్పటికీ ఎలాంటి చర్యలు పోలీసులు తీసుకోలేదు. ఇక తనకు మరణమే శరణమనుకుంది. కానీ తనకు జరిగిన అన్యాయంపై విషయాన్ని దేశ సర్వోన్నత న్యాయస్థానం దృష్టికి తీసుకురావాలనుకుంది. అంతే అనుకుందే తడవుగా.. ఢిల్లీకి చేరుకుని సుప్రీంకోర్టుకు చేరుకుంది. సర్వోన్నత న్యాయస్థానం సాక్షిగా సుప్రీంకోర్టు ఆవరణలో విషం తాగి ఆత్మహత్యాయత్నానికి ప్రయత్నించింది.

మహిళ ఆత్మహత్య యత్నం ఘటన సుప్రీంకోర్టులో కలకలం సృష్టించింది. ఆరా తీస్తే చత్తీస్గఢ్కు చెందిన  న్యాయవాది... తనపై జరిగిన గ్యాంగ్ రేసు కేసులో న్యాయం జరగలేదంటూ విషం తాగి ఈ ఘటనకు పాల్పడింది. విషయాన్ని గమనించిన స్థానికులు  బాధితురాలిని రామ్ మనోహర్ లోహియా ఆస్పత్రికి తరలించారు. గత ఏడాది తనపై తమ బంధువర్గానికి చెందిన కొందరు సామూహిక అత్యాచారానికి పాల్పడ్డారని ఫిర్యాదు చేసినా.. వారిపై ఎలాంటి చర్యలు తీసుకోకపోవటంతో మనస్తాపం చెందిన ఆమె ఆత్మహత్యాయత్నం చేసింది. మరోవైపు సుప్రీంకోర్టు ఈ వ్యవహారాన్ని సుమోటోగా స్వీకరించింది. ఈ కేసు మంగళవారం విచారణకు వచ్చే అవకాశం ఉంది. సామూహిక అత్యాచారానికి గురైన మహిళా న్యాయవాది సుప్రీంకోర్టులో ఆత్మహత్యకు యత్నించిన ఘటనతో.. దేశంలో మహిళలకు వున్న భద్రత ఎంతన్న విషయం మరోమారు తేటతెల్లం అయ్యింది.

జి.మనోహర్