సౌదీలో ఇంటిపని చేసేవారి వయసు ఎంతుండాలి

Posted: 07/23/2014 05:20 PM IST

Age restrictions of domestic workers in saudi

సౌదీ అరేబియాలో ఇళ్ళల్లో పనిచేసే భారతీయుల వయసు ఎంతుండాలన్న విషయంలో ఇరు దేశాలకు మధ్య జరిగిన ఒప్పందంలో 25-50 కి మధ్య ఉండాలని ఉంది. ఈ విషయాన్ని సౌదీ మీడియాకు వివరించటం జరిగింది.

ఈ సందర్భంగా సౌదీ లేబర్ మినిస్ట్రీలో విదేశ వ్యవహారాల శాఖలో అండర్ సెక్రటరీ మహమ్మద్ అల్ ఫహీద్ మాట్లాడుతూ, భారత దేశంతో చేసుకున్న ఒప్పందం ప్రకారం సౌదీలో పనిచెయ్యటానికి వచ్చే డొమెస్టిక్ లేబర్ వయసు 25, 50 ల మధ్య ఉండాలని, ఒకవేళ 25 సంవత్సరాలు దాటినవాళ్ళు సౌదీలో పనిచెయ్యదలచుకుంటే భారత ప్రభుత్వం వాళ్ళకి అడ్డుచెప్పగూడదని అన్నారు.

సౌదీ లో ఇంటి పని చెయ్యటానికి ఉత్సుకత చూపించేవారికి శిక్షణా కార్యక్రమం ఉంటుందని, సౌదీకి పంపించే ముందే వారి వారి రాష్ట్రాలలోనే ఆ శిక్షణను లేబర్ కి సంబంధించిన ఏజెంట్లు నిర్వహిస్తారని కూడా అల్ హమీద్ అన్నారు.

సౌదీ లేబర్ ఏజెన్సీలు లేబర్ నియామకంతో పాటు వీసా, శిక్షణ, తరలించే ఏర్పాటు, మొదలైన కార్యక్రమాలను పర్యవేక్షించేందుకు ఈ పని కోసం భారత్ లో వివిధ ప్రాంతాల్లో కార్యాలయాలను తెరిచే పనిలో పడుతున్నారు. సౌదీ భారత్ అధికారులు కూర్చుని భారత్ నుంచి సౌదీకి ఇళ్ళల్లో పనిచెయ్యటానికి వెళ్ళేవారి విషయంలో ఉన్న ఇబ్బందులను, మధ్యవర్తుల మోసాలను పరిగణనలోకి తీసుకుని ఆ సమస్యలను అధిగమించటానికి తగిన కట్టుదిట్టాల విషయంలో అవగాహనకు వచ్చి నియమాలను తయారుచేసుకున్నారు. ఎంప్లోయ్ మెంట్ కాంట్రాక్ట్ లో కనీస వేతనం, పని వేళలు, శలవుదినాలు, ఏదైనా తగాదాలు వచ్చినప్పుడు వాటిని ఎలా తీర్చాలి అనే విషయాలలో నిర్ణాయలు తీసుకున్నారు.

వయసు, మిగతా అర్హతలతో పాటు భారత్ నుంచి వచ్చే డొమెస్టిక్ లేబర్ నడవడి బావుండాలి, నేరచరిత ఉన్నవాళ్ళు రాగూడదని, సౌదీ పనిచేస్తున్నప్పుడు మెడికల్ చెక్ అప్ చేయించుకోవాలని, అక్కడున్నంత కాలం సౌదీ నియమాలను పాటించాలని కోరారు.

-శ్రీజ