టెస్ట్ ట్యూబ్ బేబీకి పండంటి బిడ్డ పుట్టింది!!!

Posted: 07/11/2014 03:37 PM IST

(Image source from: test tube baby kamalaratnam gave birth to child)

24 సంవత్సరాల క్రితం చెన్నైకి చెందిన పొణ్ణు, రామమూర్తి అనే దంపతులకు పిల్లలు లేకపోవడంతో వారు టెస్ట్ ట్యూబ్ పద్ధతిని ఆశ్రయించారు. దీంతో వారికి కమలారత్నం అనే టెస్ట్ ట్యూబ్ బేబీ పుట్టింది. ఈ పద్ధతిలో పెళ్లయిన భార్యాభర్తల జన్యువులను సేకరించి... ఆ రెండింటిని కలిపి.. కొన్నాళ్లవరకు టెస్ట్ ట్యూబ్ లో వుంచుతారు. తిరిగి దానిని తల్లి గర్భంలో ప్రవేశపెడతారు. ఆ తరువాత జన్మించే బిడ్డనే టెస్ట్ ట్యూబ్ బేబీ అంటారు. దక్షిణ భారతదేశంలోనే తొలి టెస్ట్ ట్యూబ్ బేబీగా చరిత్రకెక్కిన యువతి కమలారత్నం! అయితే ఈమె పుట్టుకముందు 12 ఏళ్ల క్రితమే ప్రపంచంలోనే తొలి టెస్ట్ ట్యూబ్ బేబీగా లూయిస్ బ్రౌన్ పుట్టింది.

ఇదంతా గతం! ఇప్పుడు తాజాగా టెస్ట్ ట్యూబ్ బేబీ అయిన కమలారత్నం తల్లయింది. దక్షిణ భారతదేశంలో వున్న టెస్ట్ ట్యూబ్ బేబీలందరిలోనూ మొదటిసారిగా తల్లయిన మహిళగా కమలారత్నం వార్తల్లోకెక్కింది. గురువారంరోజు సాయంత్రంవేళ ఆమెకు బిడ్డ పుట్టినట్టు సమాచారం! టెస్ట్ ట్యూబ్ బేబీలు కూడా సాధారణ మనుషులు లాగే జీవనం కొనసాగిస్తారని.. వారు కూడా పిల్లలకు జన్మినివ్వగలరని.. కమలారత్నం నిరూపించింది.