మమ్మల్ని ఆగం జేసిండ్రు: కేసీఆర్

Posted: 07/10/2014 06:41 PM IST

(Image source from: kcr fires on union budget)

తెలంగాణ ముఖ్యమంత్రి కేసీఆర్ ఈరోజు లోక్ సభలో ప్రవేశపెట్టిన ఆర్థిక బడ్జెట్ పై తీవ్ర అసంతృప్తి వ్యక్తం చేశారు. తమకు గతంలో రైల్వే బడ్జెట్ లోనే అన్యాయం చేసిందే కాకుండా.. ఈసారి కేంద్ర బడ్జెట్ లో కూడా ఆగం జేసిండ్రని మండిపడ్డారు. రెండు రాష్ట్రాలకు సమన్యాయం చేస్తానని చెప్పిన మోదీ... ఇప్పుడు రెండుకళ్ల సిద్ధాంతాన్ని పాటిస్తున్నారని ఆరోపణలు చేశారు. కాంగ్రెస్ ప్రభుత్వం కంటే బీజేపీ వాళ్లు మమ్మల్ని దారుణంగా నట్టేట ముంచుతున్నారని ఆయన ఆవేదన వ్యక్తం చేశారు.

లోక్ సభలో ప్రవేశపెట్టిన కేంద్ర బడ్జెట్ లో తెలంగాణకు కేవలం ఒకే ఒక్క హార్టీకల్చర్ యూనివర్సిటీని కేటాయించడం ఎంతవరకు సమంజసమని ఆయన అన్నారు. కొత్తగా ఒరిగిందేమీ లేదు అని చెప్పిన ఆయన... అది కూడా ఆంధ్రప్రదేశ్ పునర్విభజన చట్టంలో పెట్టిందేనని ఆయన వ్యాఖ్యానించారు. తాము ఆశించిన కేటాయింపులు ఇందులో వుంటాయని అభిప్రాయపడిన ఆయన... తెలంగాణకు మొండిచెయ్యి చూపడం చాలా దారుణమని అన్నారు.