రాష్ట్రపతి పాలనా తప్పదా ?

Posted: 08/09/2013 08:38 AM IST

కాంగ్రెస్ అధిష్టానం తెలంగాణ పై ఏర్పాటు పై స్పష్టమైన ప్రకటన చేసినప్పటి నుండి నేటి వరకు సీమాంధ్రలో ఉద్యమ సెగ రోజు రోజుకు పెరుగుతూనే ఉంది. ఇప్పటికే సీమాంద్ర మంత్రులు, ఎంపీలు, ఎమ్మెల్యేలు, ఎమ్మెల్సీలు తమ పదవులకు రాజీనామా చేశారు. తొమ్మిది రోజుల తరువాత మౌనం వీడిన ముఖ్యమంత్రి కూడా తెలంగాణ ప్రక్రియ పై ముందకు వెళ్లేముందు అన్ని సమస్యల పై కూలంకషంగా చర్చించాలని అధిష్టానానికి సూచించారు. దీంతో సీమాంధ్రులు విభజనకు సహకరించరని తేలిపోయింది. దీంతో కాంగ్రెస్ అధిష్టానం కాస్తంత ఇరకాలంలో పడింది. తమ మాటకే ఎదురు చెబుతున్న వారికి తగిన విధంగా సమాధానం చెప్పాలని భావించి, త్వరలో రాష్ట్రంలో రాష్ట్రపతి పాలనా విధించాలని అధిష్టానం నిర్ణయం తీసుకున్నట్లు ఢిల్లీ వర్గాల సమాచారం. తెలంగాణను విభజించి 2014 ఎన్నికల్లో లాభం పొందాలని, ఆహార భద్రత బిల్లుపై ఓటింగ్ తర్వాత తెలంగాణపై చకచకా చర్యలు తీసుకోవాలని అధిష్ఠానం భావిస్తున్న తరుణంలో రాజీనామాలు చేస్తే మొదటికే మోసం వస్తుందని భావించి రాష్ట్రంలో రాష్ట్రపతి పాలన విధించాలని భావిస్తున్నట్లు తెలిస్తుంది. ఇప్పటికే కేంద్రానికి చెందిన ఉన్నతాధికారి రాష్ట్ర ప్రభుత్వ ప్రధాన కార్యదర్శి, డీజీపీలతో మాట్లాడినట్లు తెలిసింది. కేంద్రాన్ని ఎప్పటికప్పుడు సంప్రదిస్తూ, అవసరమైతే స్వతంత్ర నిర్ణయాలు కూడా తీసుకోవాల్సి ఉంటుంది'' అని వారికి సూచించినట్లు సమాచారం. రాష్ట్రపతి పాలనా విధించి, తెలంగాణ బిల్లును రూపొందించి మళ్లీ అసెంబ్లీని పునరుద్ధరించి అభిప్రాయం కోరుతారని సమాచారం. ముఖ్యమంత్రి ధిక్కరించినా, ఇతర ప్రజా ప్రతినిధులు రాజీనామా చేసినా... కొత్త ముఖ్యమంత్రిని నియమించేందుకు ప్రయత్నించే ఆలోచనలో ఉన్నట్లు, అది కుదరకపోతే... రాష్ట్రపతి పాలన విధించాలని చూస్తున్నట్లు సమాచారం. మొత్తానికి తన లబ్ది కోసం కాంగ్రెస్ ఎంతకైనా తెగిస్తుందని దీనిని బట్టి అర్ధం చేసుకోవచ్చు.