జువెనైల్స్ ను శిక్షించవద్దన్న సుప్రీం కోర్టు

Posted: 07/14/2013 08:43 AM IST

జవెనైల్ నేరస్తల విషయంలో నిన్న సుప్రీం కోర్టు మేజిస్ట్రేట్లందరికీ మార్గదర్శకాలిస్తూ జస్టిస్ టి.ఎస్ ఠాకుర్, జస్టిస్ మదన్ బి. లోకుర్ ల ధర్మాసనం ఇలా తెలియజేసింది.   నేరం జరిగిన సమయంలో 16 సంవత్సరాలు పైన 18 సంవత్సరాలకు లోబడి ఉన్న నేరస్తులను కోర్టులో విచారించవచ్చు కానీ వారిని ఇతర నేరస్తుల్లా పరిగణిస్తూ శిక్షలు వెయ్యవద్దని, వారిని జువెనైల్ జస్టిస్ బోర్డు కి అప్పగించవలసిందని తెలియజేసింది.  జెజెబి, జువెనైల్ జస్టిస్ (బాలల రక్షణ, సంరక్షణ) చట్టం 2000 కింద తగిన విధంగా నిర్ణయం తీసుకుంటూ బాధితులకు నిందితుడు లేదా వాళ్ళ తరఫున అప్పీల్ చేసుకున్నవారి దగ్గరనుంచి పరిహారం ఇప్పించవచ్చు. 

ధర్మాసనం ఇంకా ఇలా సూచించింది- నేరస్తుడు జువెనైలా కాదా అనేది తేలనప్పడు న్యాయస్థానం ఆ నిందితుని శరీరాకృతినిబట్టి నిర్ణయించవచ్చు.  ఈ పరిశీలనను రికార్డ్ చెయ్యవలసి వుంటుంది.  ఆ తర్వాత కస్టడీ అవసరమైన సందర్భంలో నిందితుడు జువెనైల్ అయితే జైలు కి కాక అబ్జర్వేటరీ హోమ్ కి పంపించి వయసు నిర్థారణకు ఆదేశాలివ్వ వలసివుంటుంది. 

వయో నిర్ధారణ సాధ్యమైనంత త్వరగా చెయ్యటం జువెనైల్ ప్రయోజనాల దృష్ట్యా చాలా అవసరం. ఎందుకంటే జునెనైల్ కి ఇతర ఖైదీలతో పాటు జైల్లో ఉండాల్సిన అగత్యం ఏర్పడకుండా ఉండటం కోసం. 

-శ్రీజ