Posted: 01/23/2013 10:38 AM IST

ఆటో డ్రైవర్ కష్టనికి  మంచి ఫలితం సంపాదించి పెట్టింది అతని కూతురు.  పట్టుదల, కఠోర శ్రమ,  అక్షరమే తన  ఆరవో ప్రాణంగా  పరితపించే  చదువుల  తల్లి ముద్దుబిడ్డ  తన తల్లిదండ్రులకు  కీర్తి   తెచ్చిపెట్టింది. ఒక ఆటో డ్రైవర్ కుమార్తె చర్రిత స్రుష్టించింది. చదువుకు  ధనిక , పేద అని తేడా ఉండదని  24 ఏళ్ల విధ్యార్థిని ప్రేమ జయకుమార్   నిరూపించింది.  జాతీయ స్థాయిలో  చార్డెర్డు అకౌంటెన్సీ  పరీక్షలో  తనకు సాటి మరెవరు  లేరనిపించింది.  ఆమె కన్న కలను నిజం చేసి నిరూపించింది. తన తండ్రి పేరును జాతియ స్థాయిలో పలికించింది.  ప్రేమ జయకుమర్  చార్డెర్డు  అకౌంటెన్సీలో  మొదటి  ప్రయత్నంలోనే  జయకేతనం  ఎగుర వేసింది.  ప్రేమ  కుటుంబం మొత్తం  నలుగురు.  మలాడ్ లోని ఎస్ బి ఖాన్ చాల్ లో 300 చదరపు అడుగుల గదిలో  ఇమిడి తలదాచుకుంటున్నారు. ప్రేమ తండ్రి ఆటో నడుపుతుంటాడు.  ప్రేమ  జయకుమార్  మాట్లాడుతూ  నా తండ్రి  నిత్యం రెక్కలు ముక్కులు  చేసుకుని శ్రమిస్తున్నారు. నా తండ్రికి  విశ్రాంతి లేకుండా పోయింది. నేను మంచి ఉద్యోగం చేయడం ప్రారంభిస్తే  నా తండ్రి ఇక  ఇంటి వద్ద విశ్రాంతి  తీసుకోవచ్చు అని  ప్రేమ  భావోద్వేగాన్ని  ప్రకటించింది. సీఎ పరీక్షలో  ప్రేమ 800 మార్కులకు గాను 607 సాధించగలిగింది.   ఈ విధంగా  అగ్రస్థానంలో  ఉండడం   ప్రేమకు కొత్తేమీ కాదు. ముంబై  యూనివర్శిటీ  నుంచి బికాం మూడో  సంవత్సరం  పరీక్షలో 90 శాతం  మార్కులు  సాధించింది.  రెండవ స్థానం తెచ్చుకుంది.   తన తండ్రి  జయకుమార్  పెరుమాళ్  తమిళనాడు  నుంచి వచ్చారని  గత 20 ఏళ్లుగా  ఇక్కడ ఆటో నడుపుతూ  తమ కుటుంబం భారం  మోస్తున్నారని  ఆమె వివరించింది. 

తన తల్లి ఒక ప్రైవేటు  కంపెనీలో  పనిచేసేదని  తాను పెరిగి  పెద్దయ్యాక  తాను ఆర్టికల్ షిప్పు  ద్వారా సంపాదన  ప్రారంభించిన తరువాత ఆమె పనిచేయటం  మానేసిందని  ఆమె తెలిపింది.  కోచింగ్  ఇనిస్టిట్యూట్  నుంచి కూడా తనకు 40 వేల రూపాయలు  స్కాలర్ షిప్పుగా  రావడంతో  తన తల్లిదండ్రులకు  తన ఫీజుల  గురించి  ఎలాంటి యాతన ఉండేది  కాదని  ప్రేమ వివరించింది.  తన 22 ఏళ్ల  సోదరుడు  ధనరాజ్ కూడా సిఎ పరీక్ష  కు కోచింగ్  ఇస్తోంది. తన  సోదరుడు  కూడా ఈ ఏడాది సీఎం పరీక్షల్లో ఉత్తీర్డుడయ్యాడు. 2012 నవంబరు పరీక్ష కోసం తాము  ఇద్దరం ఇనిస్టిట్యూట్ ఆఫ్ చార్టర్డు అకౌంట్సు  ఆఫ్ ఇండియాలో పేర్లు నమోదు చేయించుకున్నామని  తన సోదరుడు 2010 లో టివై బికాం పూర్తి చేశాడని  అయితే హెచ్ ఎస్ సీ పూర్తయిన  తరువాత  సీఎ పరీక్షకు  చదవడం ప్రారంభించాడని  ప్రేమ చెబుతుంది. 

అయితే పరీక్ష కు రిజిస్ట్రేషన్ ఫీజు కోసం  కాల్ సెంటరు లో  పని చేసి  సంపాదించాడని  తెలిపింది.  తన తండ్రి ఆదాయం కచ్చితంగా  ఇంత అని ఉండదని  నెలనెలా  సుమారు రూ. 15 వేలు ఆయన సంపాదిస్తారని ప్రేమ చెబుతుంది.  అయితే ప్రేమ తన ఆర్టికల్ షిప్ ద్వారా   నెలకు అయిదువేలు  వరకు సంపాదిస్తానని చెబుతుంది.  స్కూలు  చదువు అంతగా  తమవ తల్లిదండ్రులు  చదువుకోలేదని , అందువల్ల  తాము పెద్ద  చదువులు  చదువుకోడానికి  ప్రయత్నించడం   వారు గర్వపడుతున్నారని  ప్రేమ తన తల్లిదండ్రుల గురించి  నవ్వుతూ చెబుతుంది.  సంకల్పం బలంగా ఉంటే కష్టమైన మార్గాలు  కూడా సులువుగా దాటేయవచ్చునని ఆటో డ్రైవర్ కూతురు ప్రేమ నిరుపించింది..