బీజేపీ కోసం బెస్ట్ ఛాయిస్ హీరోయిన్?

Posted: 05/11/2017 10:09 AM IST

వరుస ఓటములతో చతికిలపడుతున్న గ్రాండ్ ఓల్డ్ పార్టీ కాంగ్రెస్ మరో కీలక నిర్ణయం తీసుకుంది. డిజిటల్ కమ్యూనికేషన్స్, సోషల్ మీడియా, ఐటీ విభాగాల నిర్వహణ బాధ్యతలను వివాదాస్పద కన్నడ నటి రమ్యకు అప్పగించింది. రాహుల్ గాంధీ నేతృత్వంలోని ప్యానెల్ ఈ నిర్ణయం తీసుకుంది.

2012లో కాంగ్రెస్ లో చేరిన రమ్య, మాండ్య నియోజకవర్గం నుంచి ఎంపీగా కూడా పని చేసిన సంగతి తెలిసిందే. ఇక సోషల్ మీడియాలో కాంగ్రెస్ వెనుకంజలో ఉండటంతో, దాన్ని మరింతగా పుంజుకునేలా చూడాలని భావిస్తున్న కాంగ్రెస్, ప్రస్తుతం ఆ విభాగానికి హెడ్ గా ఉన్న దీపీందర్ హూడా సరిగ్గా పనిచేయలేక పోతున్నారని పార్టీ భావిస్తోంది. ఇదే సమయంలో సోషల్ మీడియాలో మరింత యాక్టివ్ గా మారి ప్రభుత్వాన్ని ఇరుకున పెట్టే ట్వీట్లు చేస్తుండటం, దాదాపు 4.83 లక్షల మంది ఫాలోవర్స్ ఉండటం రమ్యకు ప్లస్ పాయింట్ అయింది.

Does the Home ministry have a job or not?Intel failure.
No one is safe with this Govt.Not the army not the civilians nor our Aadhar details- https://t.co/AjgkPNnUbq

— Divya Spandana/Ramya (@divyaspandana) April 24, 2017

కన్నడ చిత్రాల్లో హీరోయిన్ గా కూడా మెప్పించిన ఆమె సోషల్ మీడియాలో ప్రభుత్వ నిర్ణయాలను ఏకీ పడేస్తుంది. సీనియర్ నేత శశిథరూర్ లాంటి వాళ్లు ఆమెను తరుచూ రెబల్ వాయిస్ అంటూ పొగటం తెలిసిందే. ఫలితాలు రాబట్టలేకపోతున్న హుడాను తప్పించి ఐటీ విభాగం పదవిని అప్పగిస్తే మేలు కలుగుతుందన్న అభిప్రాయానికి వచ్చిన కాంగ్రెస్, త్వరలోనే ఈ విషయమై కీలక ప్రకటన చేయనున్నట్టు సమాచారం.