దారుణం: ఫేస్ బుక్ లైవ్ లో గ్యాంగ్ రేప్

Posted: 01/24/2017 03:07 PM IST

మహిళలపై అఘాయిత్యాలు నానాటికీ పెరుగిపోతున్న క్రమంలో మానవత్వాన్ని మరిచి ఓ మూడు మృగాలు చేసిన వికృత క్రీడ సంచలనంగా మారింది. ఓ 30 ఏళ్ల మహిళను అతి దారుణంగా సామూహిక అత్యాచారం చేయటమే కాదు, దానిని ఆన్ లైన్ లైవ్ చూపించిన ఘటన కలకలం రేపుతోంది.

స్వీడన్ రాజధాని స్టాక్ హోంలో ముగ్గురు యువకులు ఓ మహిళపై అతిదారుణంగా గ్యాంగ్ రేప్ కు పాల్పడ్డారు. అక్కడితో ఆగకుండా 60000 మంది ఉన్న ఓ ఫేస్ బుక్ గ్రూప్ లో లైవ్ స్ట్రీమ్ చేస్తూ ఆ కిరాతకానికి పాల్పడ్డారు. ఆ వీడియోను చూసిన ఓ మహిళ పోలీసులకు సమాచారం అందించగా విషయం వెలుగులోకి వచ్చింది.

బట్టలు చించేస్తూ ఉంటే మహిళ సాయం కోసం అరవటం, అందులో ఒకడు గన్ తో యువతిని బెదిరించటం స్పష్టంగా కనిపిస్తున్నాయి. ముందుగా సరదాగా (ఫ్రాంక్ ) చేసిన యవ్వారం అనుకున్న పోలీసులకు రేప్ జరిగింది నిజమేనని తేలటంతో షాక్ తగిలినట్లయ్యింది. వీడియో ఆధారంగా ఆ ముగ్గురు యువకులను పోలీసులు అరెస్ట్ చేశారు. వేలాది మంది ఆ వీడియోను తిలకించేశారని, అంతేకాదు దానిని తొలగించాల్సిందిగా ఫేస్ బుక్ ను కోరినట్లు వారు చెబుతున్నారు. మంచి చెడు అన్న తేడా లేకుండా.. ఇలాంటి వికృత క్రీడలను సామాజిక మాధ్యమాల్లోకి ఎక్కించేవారిని కఠినంగా శిక్షించాలని పలువురు కోరుతున్నారు.