గ్రేటర్ ఎన్నికల ఫలితాల్లో టిఆర్ఎస్ ఆధిక్యం

Posted: 02/05/2016 05:22 PM IST

గ్రేటర్ హైదరాబాద్ ఎన్నికల ఫలితాల కోసం అందరూ ఎంతో ఆసక్తిగా ఎదురుచూస్తున్నారు. ఆ ఎన్నికల ఫలితాలు మరికొద్ది క్షణాల్లో వెల్లడి కానున్నాయి. ఈనెల 2న గ్రేటర్ లోని 150 డివిజన్లలో ఎన్నికలు జరిగిన విషయం తెలిసిందే. ఈ ఎన్నికల ఓట్ల లెక్కింపు కార్యక్రమం శుక్రవారం ఉదయమే ప్రారంభం కావాల్సి వుండగా.. పాతబస్తీలోని పురానాపూల్ డివిజన్ లో రీపోలింగ్ కారణంగా మధ్యాహ్నం 3 గంటలకు ఎన్నికల ఓట్ల లెక్కింపును ప్రారంభించారు. ప్రస్తుతం ఎన్నికల ఓట్ల లెక్కింపు ఉత్కంఠగా జరుగుతోంది. ఇప్పటివరకు టిఆర్ఎస్ పార్టీ 102 స్థానాల్లో ఆధిక్యంలో వుంది. టిఆర్ఎస్ పార్టీ 80 స్థానాల్లో గెలిచింది. మరికొద్ది క్షణాల్లో పూర్తి ఫలితాలు వెలువడనున్నాయి.