ఇక ఆగేది లేదంటున్న ఏపి.. చురుగ్గా కదలికలు

Posted: 06/17/2015 11:01 AM IST

ఏపి ప్రభుత్వం స్పీడ్ పెంచింది. తెలంగాణ ప్రభుత్వం చేస్తున్న నిర్వాకాన్ని ఎండగట్టడంతో పాటుగా కేసీఆర్ పై ఉన్న కేసులను చకచకా బదాయిస్తోంది. అందులో భాగంగా ఓటుకు నోటు కేసులొ నాలుగో నిందితుడు ముత్తయ్య ఇచ్చిన ఫిర్యాదును ఏపి ప్రభుత్వం సిఐడికి బదిలీ చేసింది. అందులో భాగంగా సిట్ ను ఏర్పాటు చేసి.. కేసు విచారణలో వేగం పెంచింది ఏపి సర్కార్. అయితే ముత్తయ్యను ఇంటలిజెన్స్ ఎస్పీ కోటేశ్వర్ రావ్ విజయవాడలోని కార్యాలయంలో విచారిస్తున్నారు. ముత్తయ్య ఇచ్చే వాంగ్మూలం ఆధారంగా కేసీఆర్, ఇతరులపై చర్యలకు ఏపి సర్కార్ యోచిస్తోంది. మరోపక్క కేంద్ర .ప్రభుత్వం మీద కూడా చంద్రబాబు నాయుడు వత్తిడి తీసకువస్తున్నారు. కేంద్ర హోంమంత్రి రాజ్ నాథ్ సింగ్ కు ఫోన్ చేసినట్లు సమాచారం. గవర్నర్ కు కూడా పరిణామాలపై వివరించనున్నట్లు తెలుస్తోంది.

మరికొద్ది సేపట్లో జరిగే ఏపి మంత్రి మండలి సమావేశంలో కీలక విషయాలపై చర్చించనున్నట్లు తెలుస్తోంది. తెలంగాణ ప్రభుత్వం ఎలాంటి స్టెప్స్ తీసుకోబోతోంది.? తర్వాత ఏపి ఎలాంటి వ్యూహాలను అవలంబించాలని ఏపి క్యాబినెట్ లో చర్చించనున్నట్లు సమాచారం. చంద్రబాబు నాయుడుతో పాటు ఏపి మంత్రులు అందరూ ఈ సమావేశంలో పాల్గొననున్నారు. అయితే ఈ సమావేశానికి సిఎం రమేష్, సుజనా చౌదరి, కేంద్ర మంత్రి అశొక గజపతిరాజు కూడా హాజరవుతారని సమాచారం. తెలంగాణ ప్రభుత్వం దూకుడుకు కళ్లెం వెయ్యాలంటే ఏపి ప్రభుత్వం ఎక్కడా తగ్గకూడదని ఏపి ప్రభుత్వం నిర్ణయం తీసుకుంది. మరి మొత్తానికి ఏపి ప్రభుత్వం దూకుడు మీదుంది. తెలంగాణ ప్రభుత్వానికి దీటుగా జవాబివ్వాలని నిర్ణయం తీసుకుంది. ఏపి కేబినెట్ ఇంకా ఎలాంటి నిర్ఱయాలు తీసుకుంటుందో, ఏఏ అంశాల మీద చర్చిస్తుందో కాసేపట్లో తెలుస్తుంది.

*అభినవచారి*