భాజపా అభ్యర్థుల తొలి జాబితా

Posted: 04/09/2014 08:12 AM IST

రాష్ట్రంలో తెలంగాణా ప్రాంతానికి నామినేషన్లు దాఖలు చెయ్యటానికి ఈ రోజు ఆఖరు తేదీ అయినా తొలి జాబితా విడుదల చేసిన భారతీయ జనతా పార్టీ ఇంకా కొన్ని స్థానాలను ప్రకటించవలసివుంది. 

తెలుగు దేశం పార్టీతో 8 లోక్ సభ, 47 అసెంబ్లీ స్థానాలకు అభ్యర్థులను ఎన్నికలలో పోటీకి నిలబెట్టటానికి ఒప్పందం చేసుకున్న భారతీయ జనతా పార్టీ ఇప్పటి వరకు 8 లోక్ సభ, 21 అసెంబ్లీ స్థానాలకు మాత్రమే అభ్యర్థుల జాబితాను విడుదల చేసింది.  ఇంకా 26 స్థానాలకు ప్రకటించటం బాకీ ఉంది. 

తొలి జాబితాలో కిషన్ రెడ్డి పేరు లేదు.  సీనియర్ నాయకులు విద్యాసాగర రావు కరీం నగర్, భండారు దత్తాత్రేయ సికింద్రాబాద్ స్థానాలలో వారి పాత స్థానాలే దక్కించుకున్నారు.  తెలంగాణా నగారాను విలీనం చేసి భాజపాలో కొత్తగా చేరిన నాగం జనార్దన రెడ్డి కి ఆయన కోరుకున్న మహబూబ్ నగర్ టికెట్ లభించింది.  తెరాస నుంచి నిరసనతో బయటకు వచ్చి భాజపాలో చేరిన రఘునందన రావుకి దుబ్బాక అసెంబ్లీ సీట్ లభించింది. 

ఈరోజు ఉదయానికల్లా మిగతా జాబితా కూడా భాజపా విడుదల చెయ్యవలసి ఉంది.  తెరాస నుంచి నిరసనతో బయటకు వచ్చి భాజపాలో చేరిన రఘునందన రావుకి దుబ్బాక అసెంబ్లీ సీట్ లభించింది. 

తెదేపాతో పొత్తులో ఇంకా నిర్ణయం కాకుండా ఉన్న సీట్ల వలన రెండవ జాబితాలో జాప్యం జరుగుతోంది.  ఇప్పటి వరకు ప్రకటించిన జాబితాలో ఎస్టీ రిజర్వేషన్ లో ఉన్న బోధ్ శాసనసభ స్థానాన్ని మాధవి సుమలతకి కేటాయించినట్లు ప్రకటించినా, అది తేదేపా కు పోయేట్టుగా ఉంది.  అక్కడ మాజీ ఎంపీ కుమారుడు కేశుపల్లి ఆనందరెడ్డికి ఆ సీట్ ఖరారు అయ్యే అవకాశం ఉంది.

-శ్రీజ