డ్రామాలోద్దు కిరణ్ వార్నింగ్

Posted: 06/12/2013 11:20 AM IST

రైతు సమస్యలపై అసెంబ్లీ చాంబర్ ఎదుట టిఆర్ఎస్ ఎమ్మెల్యే లు బెఠాయించారు. తమ రైతులకు జరిగిన అన్యాయాన్ని ప్రశ్నిస్తూ టిఆర్‌ఎస్‌ సభ్యులు అంతకు ముందు రెవిన్యూ మంత్రి రఘువీరారెడ్డిని కలిసి ఇదే విషయంపై నిలదీశారు. మంత్రికి వినతిపత్రం ఇచ్చారు. సీమాంధ్ర రైతులను ఆదుకోవడంలో చూపిన చొరవ తమ అన్నదాతలపై చూపడం లేదెందుకుని వారు ప్రభుత్వాన్ని ప్రశ్నిస్తున్నారు. అంతకు ముందు తెలంగాణలో నీలం తుపాన్‌ బాధితులైన రైతులకు సహాయం చేయడంలో ప్రభుత్వం విఫలమైందని టిఆర్‌ఎస్‌ ఎమ్మెల్యేలు సీఎం ఛాంబర్‌ ముందు గంటకు పైగా ధర్నా చేశారు. రెండోసారి సభ వాయిదా తర్వాత తన ఛాంబర్‌లోకి వెళుతూ.... డ్రామాలాపండి, లోపలికి వచ్చి మాట్లాడండి అంటూ సీఎం... టిఆర్‌ఎస్‌ సభ్యులతో చేసిన వ్యాఖ్యలు కలకలం సృష్టిస్తున్నాయి.

ఈ విషయం పై ముఖ్యమంత్రి నల్లారి కిరణ్ కుమార్ రెడ్డి అసంత్రుప్తి వ్యక్తం చేశారు. టీఆర్ఎస్ ఎమ్మెల్యేలకు ముఖ్యమంత్రి చాంబర్ లోకి మాట్లాడండి అని సూచించారు. అయితే టీఆర్ఎస్ ఎమ్మెల్యేలు ముఖ్యమంత్రితో సమావేశం అయ్యారు. టిఆర్ఎస్ ముఖ్యమంత్రి మద్య సమావేశం 30 నిమిషాలు పాటు సాగింది. టిఆర్ఎస్ ఎమ్యెల్యేలు తమ సమస్యలను ‘చలో అసెంబ్లీ ’ అనుమతి కావాలనే డిమాండ్ ను గట్టిగా వినిపించారు. ఆ సమయంలో కొంత మంది ఎమ్మెల్యేలు సీఎంతో నోటిదురుసుగా మాట్లాడినట్లు సమాచారం. ఆసమయంలో ముఖ్యమంత్రి డ్రామాలోద్దని వారికి సూచించారు. సీఎం మాటలకు టిఆర్ఎస్ ఎమ్మెల్యే హరీశ్ రావు తీవ్రంగా మండిపడ్డారు. డ్రామాలు ఆడుతుంది మీరా? మేమా? అంటూ హరీశ్ రావు సీఎం ను అడిగినట్లు సమాచారం.