Posted: 04/21/2012 04:05 PM IST

భారత దేశ ప్రధాని అయిన మన్మోహన్ సింగ్ కి ఇల్లు లేదంటే నమ్ముతారా ? దేశానికే ప్రధాన మంత్రి అయి ఉండి ఆయనకు ఇల్లు లేకపోవడం ఏంటనేగా మీ డౌట్. ఈయనకు నిజంగానే సొంత ఇల్లు అంటూ లేదట. ఎందుకంటే ఈయన చిన్నప్పుడే భారతదేశం పరిధిలోని ఓ మారుమూల గ్రామం నుండి అస్సాంకి వలస వచ్చాడట. అందుకే ఇల్లు లేకుండా పోయిందని ప్రధాని చెప్పారు.

‘గువాహతిలో నేను చాలా మామూలు రెసిడెంట్‌ను’ అని చెప్పిన ప్రధాని 1990 నుంచి హేమప్రభ సైకియా (అస్సాం మాజీ ముఖ్యమంత్రి స్వర్గీయ హితేశ్వర్‌ సైకియా భార్య) ఇంట్లో అద్దెకున్నానన్నారు. ‘తను స్వీకరించిన సొంత రాష్ట్రం’ అని ప్రధాని అస్సాంను అభివర్ణించారు. ‘నేను ఈ రాష్ట్రానికి దత్తపుత్రుడిని’ తన గురించి తాను చెప్పుకొన్నారు.‘మీలో ప్రతి ఒక్కరు నాపట్ల చూపిన స్నేహం, అభిమానం, వాత్సల్యం ...వీటిని నేను మరిచిపోలేను, ఎప్పటికీ మరిచిపోను’ అని మన్మోహన్‌సింగ్‌ భావోద్వేగంతో అన్నారు. అస్సాం ప్రజలకు ఆయన కొత్త సంవత్సరాది ‘బిహు’ శుభాకాంక్షలు తెలిపారు.