అంజియోగ్రఫీ తరువాత స్థిరంగానే దాల్మియా

Posted: 09/18/2015 07:05 PM IST

భారత క్రికెట్ నియంత్రణ మండలి బోర్డు అధ్యక్షులు జగ్మోహన్ దాల్మియా(75) కు అనుకున్నట్లుగానే గుండె నోప్పి వచ్చింది. ఇవాళ ఆయనకు అంజియోగ్రాఫీ చేసిన వైద్యులు ఆయనను ఐసీయూలో ఉంచి పర్యవేక్షిస్తున్నారు. కాగా ఆయన గుండె నాళాలలో రక్తం గడ్డను గుర్తించిన వైద్యులు దానిని తొలగించేందుకు అంజియోగ్రఫీని చేసినట్లు తెలిపారు. అనంతరం కూడా ఆయనను ఇంటెన్సివ్ వార్డుకు తరలించిన వైద్యులు ఆయన బిపి, షుగర్, హార్డ్ బీట్. పల్స్ రేట్ లను పరిశీలిస్తున్నారు.

ప్రస్తుతం ఆయన ఆరోగ్యం స్థిరంగానే వుందని, ఆందోళన చెందాల్సిన అవసరం లేదని బిఎం బిర్లా హార్ట్ రిసర్చ్ అసుపత్రి వైద్యులు తెలిపారు. నిన్న రాత్రి ఆయనకు ఒక్కసారిగా తీవ్రమైన చాతినోప్పి వచ్చింది. దీంతో ఆయనను హుటాహుటిన అస్పత్రికి తరలించారు ఆయన కుటుంబసభ్యులు. దానిని గుండెకు సంబంధించిన నొప్పిగా పరిగణించిన వైద్యులు ఆయనకు ఇవాళ అంజియోగ్రాఫీ నిర్వహించారు. ప్రస్తుతం ఆయన బిపీ, పల్స్ రేట్, హార్గ్ రేట్ అన్ని సక్రమంగానే వున్నాయని వైద్యులు తెలిపారు.

జి. మనోహర్