బుకీ అరెస్టుతో మేల్కోన్న ఈడీ.. పలు నగరాల్లో దాడులు

Posted: 05/22/2015 05:13 PM IST

ఐపీఎల్ మేనేజ్ మెంట్ కమిటీ టోర్నమెంటును ఎంత పారదర్శకంగా నిర్వహించాలని ప్రయత్నించినా.. అక్కడక్కడా పట్టుబడుతున్న బుకీలు ఆటను మార్చివేస్తున్నారు. ఈ క్రమంలో ఐపీఎల్-8లో భాగంగా జరిగిన క్వాలిఫయర్ మ్యాచ్ లో రాయల్ చాలెంజర్స్ బెంగళూరు, రాజస్థాన్ రాయల్స్ల మ్యాచ్లో బెట్టింగ్లో ప్రమేయమున్న ఓ బుకీని పోలీపులు అదుపులోకి తీసుకున్నారు. అతడిచ్చిన సమాచారంతో మేల్కోన్న ఎన్ఫోర్స్మెంట్ డైరెక్టరేట్ అధికారులు దేశంలోని పలు నగరాల్లో ఏకకాలంలో దాడులు నిర్వహించారు. శుక్రవారం ఉదయం ఢిల్లీ, ముంబై, జైపూర్ సహా దేశంలోని పది ముఖ్య నగరాల్లో అధికారులు సోదాలు నిర్వహించారని సమాచారం..

ఐపీఎల్-8లో క్వాలిఫయర్ మ్యాచ్ లో రాయల్ చాలెంజర్స్ బెంగళూరు, రాజస్థాన్ రాయల్స్ల మద్య జరిగిన మ్యాచ్లో బెట్టింగ్లో ప్రమేయమున్న అనూప్ మహాజన్ అనే బుకీని పఠాన్కోట్లో పోలీసులు అరెస్ట్ చేశారు. అతడి దగ్గర నుంచి 3.3 లక్షల నగదు, మొబైల్స్, ఎల్సీడీ స్వాధీనం చేసుకున్నారు. బెట్టింగ్ కేసులో పోలీసులు మరో ఐదుగురిని కూడా అరెస్ట్ చేశారు. ఈ నేపథ్యంలో అనూప్ ఇచ్చిన సమాచారంతో బెట్టింగ్ తో ప్రమేయమున్న పెద్ద మనుషులను పట్టుకునేందుకు ఈడీ అధికారులు సోదాలు నిర్వహించారు. ధానే, గుర్గావ్ సహా పది నగరాలలో సోదాలు జరిపింది. అయితే ఇవి తాము నిర్వహించే సాదారణ సోదాలలో భాగమేనని ఈడీ అధికారుుల తెలిపారు.

జి మనోహర్