మెల్బోర్న్ టెస్టులో పట్టుసాధిస్తున్న టీమిండియా.. అసీస్ స్కోర్ 259-5

Posted: 12/26/2014 06:27 PM IST

భారత్, ఆస్ట్రేలియా జట్ల మధ్య ఇవాళ మెల్బోర్న్ లో  ప్రారంభమైన మూడో టెస్టులో భారత్ తన మెరుగైన ఆటతీరును ప్రదర్శించింది. టాస్ గెలిచి బ్యాటింగ్ ఎంచుకున్న ఆస్ట్రేలియాను భారత బౌలర్లు క్రమంగా దెబ్బతీస్తు వచ్చారు.  మూడో టెస్టు తొలి రోజు ఆట ముగిసే సరికి అస్ట్రేలియా 90 ఓవర్లలో 5 వికెట్ల నష్టానికి 259 పరుగులు చేసింది. బ్యాటింగ్కు దిగిన ఆసీస్ జట్టు ఆదిలో తడబడినా ఆ తర్వాత నిలదొక్కుకుంది. తొలుత ఓపెనర్గా దిగిన వార్నర్ ఖాతా తెరవకుండానే యాదవ్ బౌలింగ్లో ధావన్కు క్యాచ్ ఇచ్చి వెనుతిరిగాడు. దాంతో ఆసీస్ ఆదిలోనే తొలి వికెట్ను కోల్పోయింది. అనంతరం ఆసీస్ నిలదొక్కుకుని దూకుడుగా ఆడుతూ స్కోరు బోర్డును పరుగులు పెట్టించింది.

ఆసీస్ ఓపెనర్  రోజర్స్ ఆది నుంచి నిలకడగా ఆడగా అతనికి వాట్సన్ సరిజోడిగా విజృంభించాడు. ఇద్దరూ అర్థ సెంచరీ చేయటంతో పాటు వెనువెంటనే అవుట్ అయ్యారు. ఆ తర్వాత వచ్చిన మార్ష్,  బర్న్స్ తక్కువ స్కోర్కే పెవిలియన్ దారి పట్టాడు. ఇక కెప్టెన్ స్మిత్ నిలకడగా ఆడుతూ అర్థ సెంచరీ చేశాడు. కెప్టెన్ స్మిత్ 72, హాడిన్ 23 పరుగులతో క్రీజ్లో ఉన్నారు. ఇక ఆసీస్ ఆటగాళ్లు రోజర్ 57, వాట్సన్ 52, మార్ష్ 32, బర్న్స్ 13 పరుగులు చేశారు. ఉమేష్ యాదవ్, షమికీ చెరో రెండు వికెట్లు,  అశ్విన్ ఒక వికెట్ దక్కింది.

జి. మనోహర్