Posted: 01/08/2013 11:23 AM IST

       మెల్‌బోర్న్ లో క్రికెటర్ల బూతు పురాణం.. ఆపై బాహాబాహీ కొట్టుకుకోవటం..  ఇలా జెంటిల్మన్‌గేమ్ క్రికెట్‌కే మచ్చ తెచ్చేలా ప్రవర్తించారు వార్న్, శామ్యూల్స్! సండేకదా హాయిగా బిగ్‌బాస్ ఫైట్ చూద్దామని స్టేడియానికొచ్చిన ప్రేక్షకులు వీరిద్దరి తీరు చూసి ఏవగించుకున్నారు.
        ఇంతకీ ఏం జరిగిందంటే, అది మెల్‌బోర్న్ స్టార్స్, రెనెగేడ్స్ మధ్య టీ-20 ఫైట్. రెండో పరుగు తీసే ప్రయత్నంలో ఉన్న శామ్యూల్స్‌ను నాన్‌స్ట్రయికింగ్ ఎండ్‌లో డేవిడ్ హస్సీ వారించాడు. దీంతో రనౌట్ చేసే అవకాశం తప్పిందనో ఏమోగానీ, శామ్యూల్స్‌ పై బూతు పురాణం అందుకున్నాడు. అంతేనా, అతని ఛాతికి తగిలేలా నేరుగా తగిలేలా బంతిని విసిరాడు.
       దీంతో చిర్రెత్తిన శామ్యూల్స్.. పట్టలేని కోపంతో వార్న్‌ వైపు బ్యాట్ విసిరేశాడు. ఇంకేం.. ఇద్దరూ బాహాబాహీకి దిగారు. చివరికి అంపైర్లు జోక్యం చేసుకొని ఇద్దర్నీ విడదీయాల్సివచ్చింది. అన్నట్టు శామ్యూల్స్‌ కు కంటిపైన భారీ గాయమే అయింది. ఐతే వార్న్‌తో యుద్ధం వల్ల కాదు... ఆ మ్యాచ్‌లో మలింగ బంతికి! దీంతో రక్తమోడుతున్న అతడు ఉన్నపళంగా అస్పత్రిలో చేరాల్సివచ్చింది. మొత్తానికి వీరి ప్రవర్తన క్రికెట్ పరువుతీసింది.

...avnk