ప్రస్తుతకాలంలో ప్రేమ అనే విషయం సర్వసాధారణం అయిపోయింది. పిల్లల నుంచి పెద్దలవరకు ప్రతిఒక్కరు ఎవరినిపడితే వారిని ప్రేమించేసుకుంటున్నారు. ఎవరైనా ఒక అమ్మాయి నచ్చితే చాలు... అప్పటికప్పుడే వెళ్లి ఐ లవ్ యూ చెప్పేస్తారు. అదేవిధంగా అమ్మాయిలు కూడా ఎవరైనా నచ్చితే చాలు.. ఎక్కువ సమయం వృధా చేయకుండా ప్రపోజ్ చేసేస్తారు. 

అయితే కొంతమంది వీరికి విరుద్ధంగా వుంటారు. తమ ప్రేమ గురించి ప్రేయసికి తెలపడానికి చాలా భయపడిపోతారు. ఒకవేళ చెప్పినా.. అమ్మాయి అంగీకరించదేమోనన్న భయంతో ప్రేమను తమ గుండెల్లోనే దాచుకుని అలాగే వుండిపోతారు. ఎప్పుడూ ఆమె గురించి ఆలోచిస్తూ.. కలలో లోకంలో విహరిస్తూ.. ఆమె కోసం నిరీక్షిస్తుంటాడు. 

అటువంటి సమయాల్లో ప్రేయసిని తనవైపుకు ఎలా ఆకర్షించాలి...? ఆమెతో ఎలా వ్యవహరిస్తే నన్ను ఇష్టపడుతుంది...? ఎటువంటి లక్షణాలున్న వారిని ఇష్టపడుతుంది...? అసలు ఆ అమ్మాయి కూడా తనను ప్రేమిస్తుందా లేదా అనే విషయాలను ప్రతి ప్రేమికుడు ముందుగా గ్రహించుకోవాలి. అప్పుడే ప్రేమ విషయంలో ఒక క్లారిటీ వుంటుంది. 

తొలిచూపులోనే వెళ్లి డైరెక్ట్ గా ఐ లవ్ యూ చెబితే.. ఏ అమ్మాయి కూడా అంగీకరించదు. ముందుగా మీరు వారితో స్నేహం చేసుకోవాలి. ఆ తరువాత మెల్లగా తనతో పరిచయం పెంచుకోవాలి. అమ్మాయిలు అభిప్రాయాలను, వారి ఇష్టాలను, హావాభావాలను గుర్తించగలగాలి. 

సాధారణంగా చెప్పుకోవాలంటే... అమ్మాయిలు ప్రేమిస్తున్నారా..? లేదా..? అనే విషయం అది వారి హావాభావాలపై, వారి ప్రవర్తనపై, వారి తీరును బట్టి అర్థం చేసుకోవచ్చు. మీరు ప్రేమిస్తున్న అమ్మాయి మీతో చనువుగా మాట్లాడటంగాని, ఎక్కువ సమయం గడపడం గాని, నిత్యం కలవడం గాని చేస్తే.. ఆమె మనసులలో మీమీద కొంచెం అభిప్రాయం వున్నట్టే లెక్క. 

అలాకాకుండా మీరు పలుకరించినప్పుడల్లా చికాకుపడటం గాని, ఎక్కువసేపు మాట్లాడకుండా దూరంగా వెళ్లిపోవడం గాని ఆమెకు మీమీద ఎటువంటి అభిప్రాయం వుండదు. ఆమె అలా ఎందుకు చేస్తుందో కారణాలను తెలుసుకుని, ఆమెకు అనువైన మార్గాల్లో ఒప్పించేందుకు ప్రయత్నం చేయాలి. 

సహజంగా ప్రేమించే ఏ అమ్మాయి ప్రియుడికి ఐ లవ్ యూ చెప్పడానికి ముందుకు రారు. అబ్బాయిలే ముందు చెప్పాలని వారి ఉద్దేశ్యమం. కాబట్టి సాధ్యమైనంతవరకు ముందుగా ఆమె గురించి మీమీదున్న అభిప్రాయాలను తెలుసుకుని.. సందర్భాన్ని బట్టి ధైర్యంగా వెళ్లి ప్రపోజ్ చేయాలి.