లై సినిమా ఎక్కడ తేడా కొట్టిందంటే...

Posted: 09/08/2017 05:41 PM IST

ఇంటెలిజెంట్ సబ్జెక్ట్ లకు తెలుగులో అంతగా ఆదరణ లభించదన్న ఓ మార్క్ ఎప్పటి నుంచో ఉంది. వన్ సినిమానే దీనికి బెస్ట్ ఎగ్జాంపుల్. ఢిపరెంట్ కాన్సెప్ట్ .. హాలీవుడ్ విజువల్స్ తో సుక్కూ రూపుదిద్దిన ఆ చిత్రం అంతగా జనాలను రీచ్ కాలేకపోయింది. అయితే ఈ మధ్య వచ్చిన లై చిత్రం కూడా ఇదే కోవలోకి చేరిపోయింది. ఇంటలిజెన్స్ సబ్జెక్ట్ తో ఫారిన్ లోకేషన్లలో నితిన్ చిత్రాన్ని తెరకెక్కించారు.

ఆగస్టు 11న థియేటర్లలోకి లై వచ్చింది. దాదాపు 32 కోట్ల బడ్జెట్ తో తెరకెక్కిన ఈ సినిమా, బిజినెస్ కూడా 40 కోట్ల దాకా రాబట్టింది. ఫుల్ రన్ లో 9.45 కోట్ల షేర్ ను .. 17 కోట్ల గ్రాస్ ను రాబట్టి ఘోరంగా డిస్ట్రిబ్యూటర్లకు భారీ నష్టాలను కలిగించింది. స్టైలిష్ మేకింగ్ తో తెరకెక్కిన ఈ సినిమా, కథా కథనాల విషయంలో బలహీనపడిపోయింది.

ఒక్క యూత్ నే తప్ప ఫ్యామిలీ ఆడియన్స్ ను .. మాస్ ను థియేటర్స్ కి రప్పించలేకపోయింది. పై పెచ్చు ఆ సమయంలో రిలీజ్ అయిన 'నేనే రాజు నేనే మంత్రి' .. 'జయ జానకి నాయక' వంటి సినిమాలతో పోటీపడింది. ఆయా చిత్రాలు ఫ్యామిలీస్ ను ఆకట్టుకోవటం లైకి పెద్ద మైనస్ అయ్యింది. ఓవరాల్ గా ఈ యేడాది బిగ్గెస్ట్ డిజాస్టర్లలో ఒక్కటిగా మిగిలిపోయింది.