అయ్యో ఘోరం జరిగిపోయింది

Posted: 01/10/2015 01:23 PM IST

కత్రినా కైఫ్ తీరని అన్యాయం చేసింది. ఎంతోమంది ఫ్యాన్స్ కు డ్రీమ్ గర్ల్ గా ఉన్న ఈ  అమ్మడు ఇక రన్బీర్ కపూర్ కు సోల్ మేట్ గా మారనుంది. ఎప్పటినుంచో ప్రేమలో ఉన్న ఈ జంట ఈ మద్యే సీక్రెట్ గా ఎంగేజ్ మెంట్ చేసుకుందని బాలీవుడ్ లో పుకార్లు వస్తున్నాయి. కత్రినా లండన్ కు వెళ్ళినపుడే చాలా సీక్రెట్ గా ఈ వ్యవహారం జరిగిందని అంటున్నారు. ఈ విషయం తెలుసుకున్న ఫ్యాన్స్ ఎంత పని చేశావు కత్రినా.., మా కలలకు తీరని అన్యాయం చేశావు అని నిరాశ చెందుతున్నారు.

కుటుంబ సభ్యులతో క్రిస్టమస్ జరుపుకునేందుకు కత్రినా లండన్ వెళ్కగా కాస్త ఆలస్యంగా రన్బీర్ కూడా అత్తవారింటికి వెళ్ళాడు. కత్రినా ఇంట్లో పండగ జరగటంతో పాటు ఇద్దరి ప్రేమాయణంప ప్రస్తావన వచ్చిందట. పెళ్లి చేసుకోవాలనుకుంటున్నట్లు ఇద్దరూ చెప్పటంతో పెద్దలు కూడా ఒప్పేసుకుని ఏ మాత్రం ఆలస్యం చేయకుండా నిశ్చితార్ధం చేశారట. ఎంగేజ్ మెట్ రింగ్ మార్చుకుని లండన్ నుంచి కొత్త జంట తిరిగి వచ్చిందని అంతా కామెంట్ చేస్తున్నారు. దీనిపై ప్రేమికులిద్దరూ స్పందించకపోవంతో ఇదే నిజమని ప్రచారం జరుగుతోంది.

ఇక పెళ్ళి విషయానికి వస్తే..., ఈ ఏడాది మే నెలలో ఇద్దరికి పెళ్లి చేయాలని ఫ్యామిలీ డిసైడ్ అయిందట. అంటే మరో నాలుగు నెలల్లో ఈ జంట కొత్త జీవితం ప్రారంభించనుంది. కానీ సన్నిహితులు మాత్రం మేలో పెళ్లి డౌటే అంటున్నారు. ప్రస్తుతం ఇద్దరికీ బిజీ షెడ్యూల్స్ ఉండటంతో పెళ్ళి గురించి ఆలోచించే సమయం లేదని చెప్తున్నారు. చేతిలో ఉన్న సినిమాలు పూర్తి చేసి తీరిగ్గా పెళ్లి చేసుకునే అవకాశం ఉందంటున్నారు. పెళ్లి ఎప్పుడయితేనేం.., సగం పెళ్లి చేసుకున్న పొడుగు కాళ్ళ సుందరిపై ఫ్యాన్స్ ఇప్పటికే సగం ఆశలు వదులుకున్నారు. మిగతా తంతు కూడా పూర్తయితే ఎంతమంది అభిమానులు అనాధలు అవుతారో.