విశాఖకు ఎనిమిది ఏసీ రైళ్లు

Posted: 09/05/2013 03:17 PM IST

ప్రయాణికుల రద్దీని దృష్టిలో ఉంచుకుని సికింద్రాబాద్‌-విశాఖపట్నం మధ్య ప్రత్యేకంగా ఎనిమిది ఏసీ రైళ్లు, సికిం ద్రాబాద్‌-కాకినాడ టౌన్‌ మధ్య రెండు ప్రత్యేక ఎక్స్‌ప్రెస్‌లను నడిపించనున్నట్లు దక్షిణమధ్య రైల్వే సీపీఆర్వో కె సాంబశివరావు తెలిపారు.

 

ఈ నెల 6, 13, 20, 27 తేదీల్లో సికింద్రాబాద్‌ నుంచి రాత్రి 9:30 గంటలకు బయలుదేరే నంబర్‌ 07148 ఏసీ రైలు మరుసటి రోజు ఉదయం 10:35 నిమిషాలకు విశాఖపట్నం చేరుకుంటుంది.

 

ఈ నెల 7, 14, 21, 28 తేదీల్లో సాయంత్రం 7:05 నిమిషాలకు విశాఖ నుంచి బయలుదేరే నంబర్‌ 07147 రైలు మరుసటి రోజు ఉదయం 8:15 నిమిషాలకు సికింద్రాబాద్‌కు చేరుకుంటుంది.

 

ఈ నెల 8న సికింద్రాబాద్‌ నుంచి రాత్రి 11:15 నిమిషాలకు బయలుదేరే నంబర్‌ 07101 ప్రత్యేక రైలు మరుసటి రోజు ఉదయం 9:25 నిమిషాలకు కాకినాడ టౌన్‌కు చేరుకుంటుంది.

 

ఈ నెల 9న సాయంత్రం 6 గంటలకు కాకినాడ టౌన్‌ నుంచి బయలుదేరి మరుసటి రోజు తెల్లవారు జామున సికింద్రాబాద్‌కు చేరుకుంటుంది.

 

ఖాజీపేట్‌, వరంగల్‌, ఖమ్మం, మధిర, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, అన్నవరం, తుని, అనకాపల్లి, దువ్వాడ మీదుగా ఈ రైళ్లు రాకపోకలు సాగిస్తాయి.