ఎయిర్ పోర్టులో ఎంపీ కోడుకు హల్ చల్ - నామినేషన్ వేసిన అంబటి

Posted: 08/01/2013 03:44 PM IST

మధరపూడి ఎయిర్ పోర్టులోకి దూసుకెళ్ళి ఎంపి హర్షకుమార్ తనయుడు శ్రీరాజ్ హల్ చల్ చేశారు. ఎయిర్ పోర్టులో సమైక్యాంధ్రకు అనుకూలంగా నినాదాలు చేస్తూ టైర్లను తగులబెట్టి నిరసన తెలిపారు. విభజనతో ప్రజల మనోభావాలు దెబ్బతిన్నాయని ఈ సందర్భంగా ఆయన అన్నారు. దీంతో ఎయిర్ పోర్టులో ఉద్రిక్త వాతావరణం నెలకొంది. పోలీసులు ఈ ఘటనను అడ్డుకున్నారు.

 

న్యాయవాదుల ధర్నా

సమైక్యాంద్రకు మద్దతుగా నందిగామలో పలు కళాశాల విద్యార్థులు, న్యాయవాదులు తహశీల్థార్ కార్యాలయం ఎదుట ధర్నా నిర్వహించారు. విభజనకు వ్యతిరేకంగా నినాదాలు చేశారు. అనంతరం తహశీల్థార్ నాగేశ్వరరావుకు వినతి పత్రం అందజేశారు. తర్వాత గాంధీ సెంటర్ లో రాష్ట్రాన్ని సమైక్యాంగా ఉంచాలని కోరుతూ విద్యార్థులు, న్యాయవాదులు మానవహారం నిర్వహించారు.

 

నగర్ బంద్

రాష్ట్రం విభజనను నిరసిస్తూ విజయవాడ ఆటోనగర్ లోని కార్మిక సంఘాలు బంద్ పాటిస్తున్నాయి. ఆటోనగర్ లో మెకానిక్ షెడ్ లు, పరిశ్రమలు, పౌండ్రీలు లను మూసివేశారు. వాహనాలు రాకుండా రహదారులను దిగ్బందనం చేసి లారీ టైర్లు తగులబెట్టారు.

 

స్వరీస్ రద్దు

గన్నవరం విమనాశ్రయానికి ప్రతిరోజు బెంగలూరు నుంచి జెట్ ఎయిర్ వేస్ విమాన సర్వీసు రాకపోకలు జరిగేవి. అయితే ఈ రోజు సాంకేతిక కారణాల వల్ల రధ్దయింది. బెంగళూరు నుంచి ప్రతి రోజు ఉదయం 7.45 గంటకు జెట్ ఎయిర్ వేస్ విమానం గన్నవరం చేరుకుంటుంది. మరళ తిరిగి 8.15 గంటలకు బెంగళూరు వెళుతుంది. ముందుస్తు సమాచారం లేకుండా ఈ సర్వీసు రద్దు కావడంతో బెంగళూరు వెళ్లేందుకు వచ్చిన ప్రయాణికులు నిరాశతో ఇంటి ముఖం పట్టారు.

 

నామినేషన్ వేసిన అంబటి

అవనిగడ్డ అసెంబ్లీ స్థానానికి జరుగనున్న ఉప ఎన్నికలల్లో టిడిపి అభ్యర్థిగా దివంగత ఎమ్మెల్యే అంబటి బ్రహ్మణయ్య తనయుడు అంబటి శ్రీహరి ప్రసాద్ ఈ రోజు నామినేషన్ దాఖలు చేయనున్నారు. గురువారం నియోజకవర్గం పార్టీ శ్రేణులతో ర్యాలీ నిర్వహించి అవనిగడ్డలో నామినేషన్ దాఖలు చేయనున్నట్లు శ్రీహరిప్రసాద్ తెలిపారు.