.తిరుమలలో బైబిల్‌తో దొరికిన జంట

Posted: 07/15/2013 06:10 PM IST

తిరుపతి తిరుమల కొండ పైన అన్యమత ప్రచారం చేస్తున్నారనే అనుమానంతో విజిలెన్స్ అధికారులు ఇద్దరిని అదుపులోకి తీసుకొని విచారించారు. తిరుమల కొండ పైన ఓ హోటల్లో పని చేస్తున్న దంపతుల వద్ద బైబిల్‌తో పాటు మత మార్పిడికి చెందిన పత్రాలు దొరికాయి. దీంతో విజిలెన్స్ అధికారులు వారిని అదుపులోకి తీసుకొని విచారించారు. తమకు ఏ విషయం తెలియదని, అన్యమత ప్రచారం చేయడం లేదని ఆ దంపతులు విజిలెన్స్ అధికారులకు చెప్పినట్లుగా తెలుస్తోంది. అయితే బైబిల్, మతమార్పిడికి చెందిన పత్రాలు దొరకడంతో వారు బుకాయిస్తున్నారని అధికారులు అనుమానిస్తున్నారు.