మ్యారేజ్ ప్రపోజ్ చేయడానికి అందమైన ప్రదేశాలు

Posted: 03/06/2014 12:41 PM IST

వివాహం అనేది గట్టి అనుబంధం. ఒకరినొకరు ప్రేమగా అర్థం చేసుకుంటే.. జీవితం సుఖసంతోషాలతో గడుస్తుంది. ఎటువంటి భేదాభిప్రాయాలు లేకుండా కలిసి వుండాలి. ఎంతటి పెద్ద సమస్య అయిన ఇద్దరు కలిసి ప్రేమగా దానిని ఎదురించే మనస్తత్వం కలిగి వుండాలి. అప్పుడే జీవితాన్ని ప్రశాంతంగా అనుభవించవచ్చు. 

సాధారణంగా అబ్బాయిలు, అమ్మాయిలనుగాని లేదా అమ్మాయిలు, అబ్బయిలనుగాని మ్యారేజ్ ప్రపోజల్ చేయడానికి పడరాని పాట్లు పడుతుంటారు. ఇటువంటి విషయాలలో కొందరు పాస్ అయితే.. మరికొందరు ఫెయిల్ అవుతుంటారు. 

మీరు ఎవరినైనా భాగస్వామిగా భావిస్తున్నప్పుడు వారితో సాధ్యమైనంతవరకు ప్రేమానురాగంతో పలకరించేందుకు అలవాటుపడాలి. అలాగే వారు చెప్పిన కార్యాలయాలలో వారితో పాలుపంచుకుంటే ఒకరికొకరు మరింత దగ్గరవుతారు. అప్పుడు ఒకరిమీద ఇంకొకరికి ప్రేమానుభవాలు మనస్సును తాకుతాయి. 

అయితే చాలావరకు మ్యారేజ్ ప్రపోజ్ చేయడంలో చాలా మంది ఇబ్బందులు పడుతుంటారు. మ్యారేజ్ ప్రపోజ్ చేయడానికి కొన్ని నిర్దిష్టమైన ప్రదేశాలను ఎంచుకోవాలని, చుట్టూ వున్న వాతావరణ పరిస్థితులు అనుగుణంగా వుండేవిధంగా చూసుకోవాలని నిపుణులు సలహాలు ఇస్తున్నారు. 

మ్యారేజ్ ప్రపోజ్ చేయడానికి కొన్ని అనువైన ప్రదేశాలు.... 

మీరు ప్రేమిస్తున్నవారిని మ్యారేజ్ ప్రపోజల్ చేయాలనుకుంటే ఎక్కడికో దూర ప్రదేశాలకు తీసుకువెళ్లాల్సిన అవసరం లేదంటున్నారు. సమజంగా మీరు ఇంట్లో జరుపుకునే ఫంక్షన్లలో మీ ప్రేయసిని తీసుకువెళితే చాలంటున్నారు. అక్కడ మీ తల్లిదండ్రులతో మీ ప్రేయసిని పరిచయం చేయడం వల్ల వారు సంతోషిస్తారు. వారి సమక్షంలోనే మ్యారేజ్ ప్రపోజ్ చేస్తే.. వాళ్లు చాలావరకు అంగీకరించే అవకాశాలున్నాయంటున్నారు నిపుణులు. 

మీరు ఏదైనా ఒక ఓపెన్ ప్రదేశంలో మీకు తనపై వున్న ప్రేమాభిమానాన్ని వ్యక్తం చేయాలి. మీరు తనని ఎంతగా ప్రేమిస్తున్నారు తెలియజేయాలి. మీదైనా స్టయిల్ లో మ్యారేజ్ ప్రపోజ్ చేస్తే సహజంగా వారు నవ్వేస్తారు. 

మీరు మీ భాగస్వామిని ఏదైనా ఒక పవిత్ర స్థలానికి తీసుకెళ్లి, ఉంగరంతో తనను మ్యారేజ్ ప్రపోజ్ చేస్తే.. మీమీద ఆమె వందశాతం విశ్వాసంతో అంగీకరించే ఛాన్స్ వుంది. 

అలాగే మీ భాగస్వామికి నచ్చిన ప్రదేశానికి (పార్క్, తోటలు, బీచ్ వంటి ప్రదేశాలు) తీసుకెళ్లి తనకు దగ్గరవ్వడానికి ప్రయత్నించాలి. ఆ సమయంలో మ్యారేజ్ ప్రపోజ్ చేస్తే.. ఆమె ముఖంలో వున్న బిడియం స్పష్టంగా కనిపించే అవకాశం వుంది. 

సాధారణంగా అమ్మాయిలు పార్టీలకు అటెండ్ అవ్వడానికి ఎక్కువ మక్కువ చూపిస్తారు. అలా మీరు మీ స్నేహితుల సమక్షంలో ఏదైనా ఒక పార్టీకి తీసుకెళ్లి పెళ్లి ప్రతిపాదన చేస్తే, ఆమె ఎటువంటి సందేహం లేకుండా అంగీకరించే అవకాశం వుంటుంది. 

అలాగే వీలైనంత వరకు మీరు మీ భాగస్వామితో ఏకాంతంగా గడిపాలి. తనను లాంగ్ డ్రైవ్ లో తీసుకెళ్లి ఆమె చేతిని మీ చేతులోకి తీసుకొని సౌమ్యంగా మ్యారేజ్ ప్రపోజ్ చేయాలి. అదేవిధంగా ఏదైనా ఒక హోటల్ లో క్యాండిల్ లైట్ డిన్నర్ ఏర్పాటు చేసుకుని ఎక్కువ సమయం గడపడానికి ప్రయత్నించండి.

దీంతో ఆమెకు మీమీద నమ్మకం కలిగి మీ మ్యారేజ్ ప్రపోజ్ ను అంగీకరించవచ్చు.