వేరుశెనగలు తీసుకుంటే.. ఎముకల వ్యాధులు తలెత్తవు!

Posted: 02/11/2015 12:24 PM IST

మానవ శరీరానికి సంబంధించే వివిధ రకాల రుగ్మతలకు విరుగుడుగా పనిచేసే కొన్ని ప్రకృతి సహజసిద్ధమైన పదార్థాలు అందుబాటులో వున్నాయి. అందులో వుండే పోషక విలువలు హానికారక క్రిములతో పోరాడి, చిరువ్యాధుల నుంచి దూరంగా వుంచుతాయి. మరికొన్ని అయితే ఏకంగా క్యాన్సర్, గుండె సంబంధిత, ఇతర ప్రమాదకర వ్యాధుల కారకాలను నశింపచేయడంలో కీలకపాత్రను పోషిస్తాయి. అలాంటి పదార్థాల్లో వేరుశెనగలను ఒకటిగా చెప్పుకోవచ్చు. ఇందులో ఎన్నోరకాల పోషకాలు నిల్వవుంటాయి కాబట్టి... అవి నిత్యం కీటకాలతో పోరాడి సుఖంగా వుంచడంలో సహాయపడుతాయి. ఇంతకు ఇందులో ఏముంటాయంటే...

వేరుశనగలో వుండే పోషకాలు (100 గ్రాముల్లో) :

కార్బొహైడ్రేడ్-21 మి.గ్రాములు, పీచు- 9 మి.గ్రాములు, కరిగే కొవ్వు - 40 మి.గ్రాములు, ప్రోటీనులు - 25 మి.గ్రాములు, క్యాల్షియం - 93.00, కాపర్ - 11.44, ఐరన్ -4.58, మెగ్నీషియం -168, మాంగనీస్ -1.934, ఫాస్పరస్ - 376, పొటాషియం - 705, సోడియం -18 తదితర పోషకాలు వుంటాయి. ఇంకా వీటితోపాటు బి1, బి2 బి3, విటమిన్ సి లాంటివి కూడా పుష్కలంగా ఉన్నాయి. ఈ పోషకాలను బట్టి చూస్తుంటే.. వేరుశనగలు కూడా మానవ శరీరానికి దివ్యౌషధంగా పేర్కోనడంపై ఎటువంటి అనుమానాలు లేవన్నమాట! మరి.. ఇన్ని పోషకాలుండే ఈ వేరుశెనగలో ఎటువంటి ఆరోగ్య ప్రయోజనాలు కలుగుతాయో తెలుసుకుందామా...

ఆరోగ్య ప్రయోజనాలు :

వేరుశనగలు తీసుకుంటే బరువు పెరుగుతారనే అపోహలు కొనసాగుతున్నాయి. కానీ అలాంటిదేమీ లేదు.. వీటిని సమయాలనుకూలంగా నిత్యం తీసుకుంటే శరీర బరువును నియంత్రించుకోవచ్చు. అంతేకాదు.. ఇవి మధుమేహ వ్యాధిని కట్టడి చేస్తాయి. మహిళలు వీటిని తీసుకుంటే.. ఎముకల వ్యాధులు తలెత్తవు కదా.. ఇంకా దృఢంగా వుంటాయి. ఇంకా ఇందులో పుష్కలంగా వుండే యాంటి-ఆక్సిడెంట్లు వృద్ధాప్య ఛాయలు రాకుండా వాటిని నియంత్రించడంలో సహాయపడుతాయి. అలాగే ఈ వేరుశనగలో వుండే నియాసిన్ అనే పోషకం.. జ్ఞాపకశక్తిని పెంచుతాయి. ఒత్తిడి నుంచి కూడా ఉపశమనం కలిగిస్తుందని ఆరోగ్య నిపుణులు వెల్లడిస్తున్నారు.