వివాహం అయిన అమ్మాయిలు ఒక కొత్త జీవితాన్ని ప్రారంభించాల్సి వుంటుంది. కొత్త ఆచారాలు, కొత్త బంధుత్వాలు, కొత్త నియమనిబంధనలను పాటించాల్సి వుంటుంది. మొత్తంగా చెప్పాలంటే.. ఆ అమ్మాయి తన పాత జ్ఞాపకాలను, పాత అలవాట్లను మర్చిపోయి ఒక కొత్త మార్గాన్ని ఎంచుకోవాల్సి వుంటుంది.
అయితే ఇటువంటి వ్యవహారాలను కేవలం కొంతమంది అమ్మాయిలు మాత్రమే అంగీకరిస్తారు. ఇటువంటివారు ఎటువంటి వావివరుస లేకుండా... అంటే అత్తమామలు, ఇతర బంధుత్వాలు లేకుండా స్వేచ్ఛగా తమ జీవితాన్ని గడపాలనుకుంటారు. అత్తామామలు చెప్పిన విషయాలను పట్టించుకోకుండా, కేవలం తమ పనులను కానిచ్చుకుంటుంటారు.
కానీ ఇలా చేయడం వల్ల తమ జీవితానికే చాలా ప్రమాదకరం. దీంతో తరుచుగా ఇంట్లో అత్తాకోడళ్ల మధ్య గొడవలు అవుతుంటాయి. కొందరైతే ఒకరినొకరు కొట్టుకుంటారు కూడా. మరికొందరు తమ భర్తను తీసుకుని ఇల్లు వదిలి వెళ్లిపోతారు. దీంతో బంధుత్వాలు తెగిపోవడమే కాకుండా, గౌరవమర్యాదలు కూడా మంటలో కలిసిపోతాయి.
సాధారణంగా వివాహం చేసుకుని వచ్చిన ఒక కొత్త అమ్మాయికి కొత్త ఆచారాలను పాటించడానికి కొంత సమయం పడుతుంది. అటువంటి సమయాల్లో అత్తవారింటి నుంచి కూడా కొంతమేరకు ఆమెకు సహాయం చేయాలి. కోడలు అత్తను ఒక అమ్మలా భావించి, తను చెప్పే కార్యక్రమాలను నిర్వర్తించాలి. ఇలా చేయడం వల్ల అత్త కూడా చాలా సంతోషిస్తుంది. ఇలా ఒకరినొకరు అర్థం చేసుకోవడం వల్ల వారిద్దరి మధ్య ఎటువంటి గొడవలు సంభవించవు.
అమ్మాయి ఒక కోడలిగా నిర్వర్తించాల్సిన కొన్ని పనులు :
సాధారణంగా ఒక అమ్మాయి తన అత్తవారింట్లో ఎంత పనిచేసినా... దానికి ఎవరూ ప్రశంసించరు. దానిపై అత్తవారి తరఫున నిత్యం పని చెబుతూనే వుంటారు. అటువంటి సమయాల్లో మీరు వారితో గొడవ పడకుండా చురుకుగా వ్యవహరించాలి. మీరు మీ అత్తతో స్నేహాపూర్వకంగా కలిసిపోవాలి. మీ అత్తగారు ముందుచేసిన మంచి కార్యక్రమాలను గుర్తుచేసి, దాని గురించి చర్చించడం మొదలుపెట్టండి. దాంతో ఆమె పాత అనుభవాలను గుర్తు చేసుకుని సంతోషిస్తుంది. ఆమె చేసిన కష్టాలను గుర్తించి, తన కొడుకుని ప్రయోజకుడిగా చేసినందుకు వారిని అభినందించండి... గౌరవించండి. దాంతో ఆమె మీదో ఓపికగా వ్యవహరించే అవకాశాలు చాలా వున్నాయి.
పెళ్లయిన కొందరు వివాహితులు తమ అత్తమామల గురించి పట్టించుకోరు. అటువంటి సమయాల్లో వారికి చాలా బాధ కలుగుతుంది. దాంతో ఒకరికొకరి మధ్య మనస్పర్థలు ఏర్పడి నిత్యం గొడవలకు దారితీయొచ్చు. అలాకాకుండా వారికి తోడుగా వుండండి... వారి సలహాలను గుర్తించండి. దాంతో వారిలో మీ మీద ఒక మంచి భావన కలుగుతుంది.
మామూలుగా కొందరి భార్యాభర్తల మధ్య గొడవలు వస్తుంటాయి. అటువంటి వాటిని మీ అత్తగారితో చర్చించండి. మీరు మీ జీవితంలో ఏ విధంగా అయితే భర్తకు ప్రాముఖ్యతను ఇస్తారో... అదే విధంగా ఇంట్లో వున్న ఇతరులకు కూడా ఇవ్వండి. అప్పుడు మిమ్మల్ని ఒక కోడలిగా కాకుండా, తమ సొంత కూతురిలా వారు వ్యవహరించుకుంటారు.
కొంతమంది తల్లీకొడుకులు చాలా స్నేహాపూర్వకంగా వుంటారు. ఆ సమయంలో మీరు కూడా స్నేహంగా కలవడానికి ప్రయత్నించండి. మీకు తన మీదున్న అభిమానాన్ని వ్యక్తమయ్యేలా చేస్తే... తనకు కూడా మీతో స్నేహాపూర్వకంగా, ఒక తల్లిలా వుంటుంది.
మీనుంచి ఏదైనా ఒక చిన్న తప్పు జరిగితే.. దానికి మీ అత్తగారు మందలించడం జరుగుతుంది. అప్పుడు మీరు వారిమీద అసూయ పెంచుకోకుండా వారు చెప్పిన మాటలను అర్థం చేసుకొని, మరోసారి తప్పులు కాకుండా జాగ్రత్త పడండి. మీరు తనతో ఒక మంచి స్నేహితురాలుగా నడుచుకోవడం నేర్చుకోండి.
(And get your daily news straight to your inbox)
Jun 04 | సంసార సాగరంలో దంపతుల మధ్య అప్పుడప్పుడు కోపతాపాలు రావడం సర్వసాధారణం. అందుకని వాటిని పదే పదే ఆలోచించుకుంటూ పోతే.. జీవితమే బోరింగ్గా ఉంటుంది. అందుచేత భార్య భర్తపై కోప్పడినా, భర్త భార్యపై కోప్పడినా.. కాస్త... Read more
Jun 03 | కొందరు వ్యక్తులు అధిక కొలెస్ట్రాల్ సమస్యతో బాధపడుతుంటారు. దీనికి సంబంధించి ఆరోగ్య చిట్కాలు పాటించకుంటే.. ఊబకాయంతోపాటు గుండె సంబంధిత వ్యాధులు తీవ్రమవుతాయి. ఇంకా ఇతర హానికారక వ్యాధులు సంభవించే అవకాశముంది. ఇలా కాకుండా కొలెస్ట్రాల్... Read more
May 28 | ఉద్యోగస్తులు టీ బ్రేక్ సమయంలో రకరకాల స్నాక్స్ తీసుకుంటుంటారు. చాలామంది స్నాక్స్ గా బిస్కెట్లు, బర్గర్లు, ఇంకా ఇతర జంక్ ఫుడ్లు తీసుకుంటారు. అయితే.. వాటిని ప్రతిరోజూ తీసుకుంటే మాత్రం ఆరోగ్య సమస్యలు తప్పవు.... Read more
May 27 | ఆరోగ్యాన్ని మెరుగుపరిచే పోషకాహారాల్లో పనసపండు ఒకటి! ఇందులో మానవ శరీరానికి కావలసిన పోషకాలు పుష్కలంగా వుంటాయి. అవి.. శరీరంలో శక్తిని పెంచి, వివిధరకాల వ్యాధుల నుంచి ఉపశమనం కలిగించడంలో సమర్థవంతంగా పనిచేస్తాయి. ఇంతకీ.. ఈ... Read more
May 25 | సాధారణంగా ప్రకృతి సహజంగా లభించే పండ్లలో పోషక విలువలు అధికంగా వుంటాయి. అలాంటి పండ్లలో లిచీ ఫ్రూట్ కూడా ఒకటి! ఇందులో ఎన్నో పోషకాలు, మినరల్స్ వుంటాయి. అవి.. ఆరోగ్యాన్ని మెరుగుపర్చడంలో సమర్థవంతంగా పనిచేస్తాయి.... Read more