నిద్రలేమిని నివారించే హెల్దీ డ్రింక్స్

Posted: 08/19/2015 12:21 PM IST

ప్రస్తుత పోటీ ప్రపంచంలో చాలామంది నిద్రలేమి సమస్యతో బాధపడుతుంటారు. ఆఫీసు, ఇంటి కార్యకలాపాలు ఎక్కువగా వున్న నేపథ్యంలో చాలామంది ఉద్యోగస్తులు ఈ తరహా సమస్యను ఎదుర్కోవాల్సి వస్తుంది. దీనిని ఎదుర్కోవాలంటే చాలారకాల ఆయుర్వేద చిట్కాలు, ఇతర పద్ధతులు అందుబాటులో వున్నాయి. వాటిని పాటించే సమయం లేకపోతే.. కొన్ని హెల్దీ డ్రింక్స్ తీసుకుంటే చాలు. ఈ సమస్య నుంచి ఉపశమనం పొంది.. రాత్రివేళల్లో హాయిగా నిద్రపోవచ్చు. మరి.. ఆ డ్రింక్స్ ఏంటో తెలుసుకుందామా..

* హాట్ చాక్లెట్ : పాలలో హాట్ చాక్లెట్ సిరఫ్ ను మిక్స్ చేసి త్రాగడం వల్ల పొట్ట నిండుగా ఉన్న అనుభూతి కలుగుతుంది. దాంతో నరాలు విశ్రాంతి అవుతాయి. తద్వారా నిద్రలోకి జారిపోవచ్చు.
* మింట్ టీ : కొద్దిగా నిమ్మరసం మిక్స్ చేసిన పుదీనా టీని రెగ్యులర్ గా తాగితే.. గాఢమైన నిద్రలో జారుకుంటారు. నిద్రపోవడానికి ఓ గంట ముందు ఈ టీని తీసుకుంటే ఫలితం గమనించవచ్చు.
* చామంతి టీ : రాత్రి పడుకోవడానికి ఒక గంట ముందుగా ఈ టీ తాగితే చాలు. ఈ టీ త్రాగడం వల్ల నరాలు విశ్రాంతి పొంది.. మానసిక ఒత్తిడి పూర్తిగా తగ్గిపోతుంది. దీంతో త్వరలో నిద్రలోకి జారిపోతారు.
* గోరువెచ్చని పాలు : ప్రతిరోజు రాత్రి ఒక గ్లాసు గోరువెచ్చని పాలలో ఒక స్పూన్ హనీ మిక్స్ చేసిన మిశ్రమాన్ని నిద్రపోవడానికి ఒక గంట ముందు త్రాగితే మంచి నిద్రపడుతుంది.
* అల్లం టీ : వేడి వేడి జింజర్ టీ త్రాగడం వల్ల జీర్ణక్రియ మెరుగవుతుంది. పొట్ట లైనింగ్ కూల్ గా ఉంటుంది. దీంతో ఎటువంటి సమస్యలు లేకుండా హాయిగా నిద్రపోతారు.