గ్రామాన్ని దత్తత తీసుకోనున్న యాక్టర్ సుమన్

Posted: 11/05/2015 05:07 PM IST

Actor suman to adopt siddhapalli village in mahabubnagar district telangana state

విభిన్న పాత్రల్లో నటిస్తూ దక్షిణాది చిత్రపరిశ్రమలో ప్రత్యేక ముద్ర వేయించుకున్న యాక్టర్ సుమన్.. తాజాగా ఓ కీలక నిర్ణయం తీసుకున్నాడు. భారత ప్రధాని నరేంద్రమోదీ సూచించిన ప్రకారం.. తెలుగు ఇండస్ట్రీల్లో ప్రముఖులంతా గ్రామాలను దత్తత తీసుకుంటుండగా అదే బాటలో సుమన్ కూడా నడుస్తున్నాడు. ఈయన కూడా ఓ గ్రామాన్ని దత్తత తీసుకుని, దాన్ని అభివృద్ధి పరచడంలో ఆసక్తిని కనబరుస్తున్నాడు.

మహేష్ నటించిన ‘శ్రీమంతుడు’ సినిమా విడుదలైన అనంతరం దాంతో ప్రేరణ పొందిన కొందరు ప్రముఖులు.. వరుసగా గ్రామాలను దత్తత తీసుకుంటున్నారు. ఇప్పటికే మహేష్ బాబు ఆంధ్ర, తెలంగాణ రాష్ట్రాల్లో ఒక్కో గ్రామాన్ని దత్తత తీసుకుని, అప్పుడే డెవలప్ మెంట్ పనులను ప్రారంభించేశాడు కూడా. ఇక ఇతని బాటలోనే విలక్షణ నటుడు ప్రకాష్ రాజు కూడా తెలంగాణ రాష్ట్రం మహబూబ్ నగర్ జిల్లాలోని కొండారెడ్డిపల్లి గ్రామాన్ని దత్తత తీసుకుని, గతకొద్దిరోజులుగా అక్కడే వుంటూ అభివృద్ధి పనులపై దృష్టి సారించాడు. అలాగే.. యంగ్ హీరో విష్ణు కూడా ఆంధ్రప్రదేశ్ లో ఏకంగా పది గ్రామాలను దత్తత తీసుకున్నాడు. ఇప్పుడు వీరి లిస్టులోనే స్టార్ యాక్టర్ సుమన్ కూడా చేరిపోయాడు.

తాజగా సుమన్ తెలంగాణ మహబూబ్ నగర్ జిల్లాలోని సుద్దపల్లి విలేజ్ ని దత్తత తీసుకున్నాడు. తెలంగాణ విభజన సమయంలో ఆ విషయానికి మద్దతు తెలిపిన ఆయన.. ఇప్పుడు తన వంతుగా సిద్దపల్లి గ్రామాన్ని డెవలప్ చేయనున్నాడు. పూర్తిగా వెనుకబడిపోయిన ఆ గ్రామాన్ని ఆయన దత్తత తీసుకుని రూపుదిద్దేందుకు ప్రణాళికలు సిద్ధం చేసుకున్నాడు. దీనికి సంబందించిన పూర్తి వివరాలు త్వరలోనే చేయనున్నారు. ఏదేమైనా.. సుమన్ సిద్ధపల్లి గ్రామాన్ని దత్తత తీసుకోనున్నట్లు ప్రకటించగా.. ఆ గ్రామస్తులు హర్షం వ్యక్తం చేస్తున్నారు.