విలక్షణ పాత్రతో మరోసారి ప్రేక్షకుల ముందుకు..

Posted: 05/06/2015 07:03 PM IST

లోకనాయకుడు కమల్ హాసన్.. ఇటీవలే ‘ఉత్తమ విలన్’గా ప్రేక్షకుల ముందుకొచ్చిన విషయం తెలిసిందే! ఈ సినిమాలో తన నటనతో ప్రేక్షకులను మెస్మరైజ్ చేసిన కమల్.. తన తదుపరి చిత్రంలో ఓ ‘విలక్షణ పాత్ర’ను ఎంచుకున్నాడని సమాచారం! పైగా.. కథాంశం కూడా చాలా భిన్నంగా వుంటుందని చిత్రవర్గాలు తెలుపుతున్నాయి. కేవలం ఒకే రాత్రిలో జరిగే కథగా ఆ చిత్రం రూపొందుతోంది.

ఆ కొత్త సినిమాలో కమల్ ఓ పోలీసాఫీసర్ పాత్రను పోషించనున్నాడు. అయితే.. ఇది సాదాసీదా పాత్ర కాదని.. విలక్షణతో నిండిన పాత్ర అని అంటున్నారు. ఈ సినిమాకి కమల్ రచన చేయగా.. ఆయన వద్ద పనిచేసిన రాజేష్ ఈ మూవీ ద్వారా దర్శకుడిగా పరిచయం అవుతున్నాడు. ప్రస్తుతం ఈ సినిమాకి సంబంధించి ప్రీ ప్రొడక్షన్ పనులు వేగవంతంగా జరుగుతున్నాయని, త్వరలోనే షూటింగ్ ప్రారంభించే అవకాశాలున్నాయని చిత్రవర్గాలు తెలుపుతున్నాయి.

ఇక ఈ సినిమాలో కమల్ సరసన చెన్నై సెక్సీ బ్యూటీ త్రిష నటిస్తోంది. ఈ చిత్ర దర్శకనిర్మాతలు త్వరలోనే మరిన్ని వివరాలు అధికారికంగా వెల్లడించనున్నారు. ఈ చిత్రం చాలా థ్రిల్లింగ్ గానూ, సస్సెన్స్ గానూ కొనసాగుతుందని వారంటున్నారు.