బంధువుల అమ్మాయితో పెళ్లికి ప్రభాస్ ఓకే చేశాడట!

Posted: 03/06/2015 01:44 PM IST

టాలీవుడ్‌లో మోస్ట్ ఎలిజిబుల్ బ్యాచులర్ అయిన ప్రభాస్ పెళ్లికి సంబంధించి గతంలో ఎన్నోరకాల వార్తలొచ్చాయి. అయితే ఆ వార్తలపై ప్రభాస్ ఏనాడూ స్పందించలేదు. మ్యారేజ్ గురించి ఎప్పుడు ప్రశ్నించినా.. అతను మాత్రం నవ్వుతూ సైలెంట్‌గా వుండిపోతాడు. బాహుబలి షూటింగ్ సమయంలో మ్యారేజ్ చేసుకోబోతున్నాడంటూ ఆమధ్య ప్రచారం సాగింది. చివరకు ఈ చిత్రం పూర్తి అయ్యేవరకు అతను పెళ్లి చేసుకునే అవకాశాలు లేవని అప్పుడే తేలిపోయింది. బాహుబలి రిలీజ్ కావడం, ప్రభాస్ వివాహం చేసుకోవడం రెండూ ఒకేసారి జరిగే సూచనలున్నాయని ఇంటర్నెట్, మీడియాలో వార్తలొచ్చాయి.

ఆ విషయాలెలావున్నా.. తాజాగా ప్రభాస్ పెళ్లికి సంబంధించి ఫిలింనగర్ లో ఓ వార్త చక్కర్లు కొడుతోంది. త్వరలోనే ఈ హీరో పెళ్లికొడుకు కాబోతున్నాడని, బంధువుల అమ్మాయితో వివాహం చేసుకోబోతున్నాడని ఇండస్ట్రీలో జోరుగా ప్రచారం జరుగుతోంది. ఇటీవలే పశ్చిమ గోదావరి జిల్లాలో వుండే తన బంధువుల అమ్మాయిని మ్యారేజ్ చేసుకునేందుకు ప్రభాస్ ఓకే చేశాడని వార్తలు వెలువడుతున్నాయి. అన్నీ అనుకున్నట్లుగా జరిగితే డిసెంబర్‌లో ఈ హీరో వివాహం జరగడం ఖాయమని ఇండస్ట్రీ వర్గాలు అంటున్నాయి. మరి.. ప్రభాస్ ఈ పెళ్లికి గ్రీన్ సిగ్నల్ ఇచ్చేడా..? లేదా..? ఈ వార్తలు కూడా రూమర్లేనా..? లేకా నిజమా..? అన్నది తెలియాలంటే మరికొన్నాళ్లు వేచి చూడాల్సిందే!

ప్రస్తుతం ప్రభాస్ ‘బాహుబలి’ సినిమా ప్యాచ్ వర్కుల్లో బిజీగా వున్నాడు. ఇది కంప్లీట్ అయిన తర్వాత యూవీ క్రియేషన్స్ నిర్మాణంలో ఓ సినిమా, అలాగే దశరథ్ లతో మరో మూవీకి గ్రీన్ సిగ్నల్ ఇచ్చినట్లు సమాచారం! ఆ రెండు మూవీల స్ర్కిప్ట్ వర్క్ లు జరుగుతున్నాయని తెలిసింది!

AS