మధుమేహం – అంగ స్తంభన
మధుమేహం, అంగస్తంభన చదివి గంటసేపు సమయాన్ని ఆనందంగా గడపండి. అంగస్తంభన వచ్చి నిలబెట్టుకోవడంలో అసమర్థతనే ఎరెక్టెల్ డిస్ ఫంక్షన్ అంటారు. మధుమేహం ఉన్న వారిలో నపుంసకత్వం సర్వసాధారణం. గుండె జబ్బులను, డిప్రెషన్ ని సూచిస్తుంది. కామపరమైన అసమర్థత జీవన నాణ్యతను దెబ్బతీస్తుంది. భాగస్వామితో సంబంధాలను ప్రభావితం చేస్తుంది. జబ్బు, మందులు, మద్యం ఇ.డి.కి. దారితీయవచ్చు. రక్తంలో గ్లూకోజ్ పరిమాణాన్ని సరిగా అదుపుచేయనందువల్ల మధుమేహం వస్తుంది. దాంతో పురుషుల్లో ఇ.డి. సమస్య తలెత్తుతుంది. రక్తనాళాలు కూరుకుపోవడం కూడా నపుంసకత్వానికి దారి తీస్తుంది. రక్తనాళాలు గట్టిపడిపోయినప్పుడు రక్తం, ప్రాణవాయువు, శరీరంలోని కొన్ని భాగాలకు ప్రసరించలేవు. పురుషాంగానికి వెళ్ళే రక్త నాళాల్లో కొవ్వు పదార్థాలు పేరుకుపోయినట్లయితే అది పెద్దగా,. గట్టిగా అవడానికి మెత్తటి కండరాల కణాలు విశ్రాంతి పొందలేవు. ఇ.డి.కి మధుమేహం ఒక కారణం మాత్రమే. వయసు, గుండెకు సంబంధించిన జబ్బులు ఇతర కారణాలు, ఉత్తేజపరిచే సంకేతం మెదడుకు చేరదు.

పురుష హార్మోన్లు తక్కువ స్థాయిలో ఉండటం, మందులు వాడటం, రక్తంలో కొలెస్టరాల్ ఎక్కువ పరిమాణంలో ఉండటం కూడా అంగస్థంభన సమస్యకు దారితీస్తాయి. మధుమేహం ఉండే పురుషులు రక్తంలో గ్లూకోజ్ స్థాయిని అదుపులో ఉంచుకున్నట్లయితే ఇ.డి. సమస్యను అరికట్టవచ్చు. సిగరెట్లు తాగడం మానెయ్యండి. బరువు తగ్గించుకోండి. రోజూ వ్యాయామం చేయండి. మీ రక్తంలో గ్లూకోజ్ స్థాయిని (బ్లడ్ షుగర్ లెవల్) ను అదుపులో పెట్టుకోండి.  రోజూ వ్యాయామం చేస్తూ బరువుతగ్గిన తరువాత అంగస్తంభన మెరుగైనట్లు ఇటీవల వెలువడ్డ పరిశోధనలు తెలుపుతున్నాయి.

మధుమేహం ఉన్న వారు వాడే మందులు ఇ.డి.కి దారితీయవచ్చు. సాధారణంగా మధుమేహం ఉన్న పురుషులకు ఇతర ఆరోగ్య సమస్యలకు కూడా మందులు వాడుతారు. డాక్టరు చెప్పే మందుల పట్టికను జాగ్రత్తగా పరిశీలించి మందుల వాడకంలో మార్పులు చేస్తే అంగస్థంభన సమస్యను నివారించడానికి దోహదపడుతుంది.