పీవీ సింధూకు గుడ్ బై చెప్పిన యోనెక్స్

Posted: 02/12/2018 03:25 PM IST

ఒలంపిక్స్ రజత పతకం విజేత పీవి సింధూను అట నుంచి దృష్టి మరల్చే ఘటన చోటుచేసుకుంది. ఈ ఘటనతో అమె ఒక్కసారిగా అతిపెద్ద షాక్ కు గురైంది. అసలు ఉన్నపళంగా ఇలాంటి నిర్ణయం తనను విస్మాయానికి గురిచేయగా, ఆ తరువాత కొద్దిసేపటికే అసలు విషయం తెలియడంతో ఆమె ఊరట పొందింది. దీనికంతటికీ కారణం సోషల్ మీడియా పైన అధిపత్యం చాటుకునే వారి ప్రమేయమేనని, ఇలాంటి ఘటన పునారవృతం కాకుండా చూసుకుంటామని సంస్థ యాజమాన్యం అమెకు క్షమాపణలు చెప్పింది.

అసలేం జరిగింది..? అంటే.. తన ఆటపై దృష్టి సారించిన భారత ప్రముఖ బ్యాడ్మింటన్ క్రీడాకారిణి పీవీ సింధూకు.. తన బ్యాడ్మింటన్ స్పాన్సర్ సంస్థ యోనెక్స్  నుంచి ఓ సందేశం అందింది. అది చూసి చూడగానే అమె ఒక్కసారిగా షాక్ అయ్యింది. అసలేం జరిగింది.. అని అరా తీయడం ప్రారంభించింది. సారాంశమేంటంటే.. "గుడ్‌ బై సింధు.  ఇండియా వంటి పేద దేశానికి చెందిన ఆటగాళ్లు ఇక మా స్పాన్సర్‌ షిప్‌ పొందబోరు. ఇక మా దృష్టంతా జపాన్‌ యువ క్రీడాకారులపైనే" అన్నది యోనెక్స్ నుంచి సింధుకు వచ్చిన మెసేజ్.

దాంతో అవాక్కైన సింధు, నిజానిజాలను తెలుసుకునే ప్రయత్నాల్లో ఉండగానే, మరో మెసేజ్ వచ్చింది. తమ మెసేజ్ ఖాతాను గుర్తు తెలియని వ్యక్తులు హ్యాక్ చేశారని, దాని ఫలితమే ఈ మెసేజ్ అని స్పష్టం చేసింది. తమ ఇన్ స్టాగ్రామ్ ఖాతా నుంచి తమకు తెలియకుండానే పోస్టులు వెళ్లాయని చెబుతూ, సింధుకు క్షమాపణలు చెప్పింది. ఇకపై ఇలా జరుగకుండా చూసుకుంటామని యోనెక్స్ చెప్పడంతో సింధు ఊపిరి పీల్చుకుంది.  యోనెక్స్ సంస్థ పీవి సింధూతో పాటు భారత్ నుంచి లియాండర్ పేస్, సైనా నెహ్వాలకు కూడా స్పాన్సర్ షిఫ్ అందిస్తుంది.