Pm narendra modi released 450 crores for sports development

pm narendra modi, narendra modi news, narendra modi sports persons, sports minister sonowal, saket myneni, asian games gold medal winner saket myneni, narendra modi saket myneni, indian sports funds

pm narendra modi released 450 crores for sports development says sports minister sonowal

ఆటల అభివృద్ధికోసం అదనపు నిధులు!

Posted: 10/15/2014 01:56 PM IST
Pm narendra modi released 450 crores for sports development

ప్రధాని నరేంద్రమోడీ దేశ అభివృద్ధిలో భాగంగా అన్నీరంగాలను ప్రోత్సహించుకుంటూ వస్తున్నారు. ఒకవైపు పేదలకోసం ఎన్నో పథకాలను అమలులోకి తీసుకొచ్చిన మోడీ... అలాగే క్రీడల అభివృద్ధికోసం అదనంగా నిధులను కేటాయించారు. దాదాపు రూ.450 కోట్లు క్రీడల కోసం ప్రధాని మోడీ నిధులను కేటాయించినట్లు క్రీడల మంత్రి సోనోవాల్ వెల్లడించారు. ‘‘గతంలో ఎప్పుడూలేని విధంగా ప్రధాని మోడీ రూ.450 కోట్లు అదనంగా మంజూరు చేశారు. ఇలాంటి చొరన ఇదే మొదటిసారి’’ అంటూ సోనోవాల్ పేర్కొన్నారు. ఇటీవలే జరిగిన ఆసియా క్రీడల్లో పతక విజేతలను మంగళవారం తన నివాసంలో ప్రధాని మోడీ సన్మానించిన సందర్భంగా మంత్రి ఈ విషయాన్ని తెలిపారు.

ఆసియా క్రీడలతోపాటు ఇతర టోర్నీల్లో పతకాలు గెలుచుకున్న వారందరికీ ప్రధాని నరేంద్రమోడీ మంగళవారం అభినందించారు. క్రీడాకారులకు అల్పాహార విందు ఇచ్చిన ఆయన... రాజకీయ నాయకులలాగే దేశానికి ఎంతో మేలు చేస్తున్నారని అన్నారు. అలాగే మంగళ్ యాన్ ను విజయవంతం చేసిన శాస్త్రవేత్తలలాగే ఈ క్రీడాకారులు కూడా దేశ కీర్తి ప్రతిష్టలను ఇనుమడింపజేశారని మోడీ అన్నారు. క్రీడాకారులతో ముచ్చటించిన అనంతరం ఆయన ‘‘ఆసియా క్రీడల్లో పతకాలు గెలిచిన క్రీడాకారులతో ముచ్చటించా. వారు దేశానికి గర్వకారణం’’ అంటూ ట్వీట్ చేశారు.

ఈ నేపథ్యంలో ఆయన క్రీడాకారులకు ఒక ఆఫర్ ను కూడా ఇచ్చారు. క్రీడాకారులు స్వేచ్ఛగా తనకు సలహాలు ఇవ్వొచ్చని, ఏదైనా మాట్లాడాలనుకుంటే వ్యక్తిగతంగా నేరుగా కలవచ్చని చెప్పారు. ‘‘నన్నూ మీ స్నేహితుడిగానే భావించండి’’ అంటూ ఆయన క్రీడాకారులతో అన్నట్లు ఒక అధికారిక ప్రకటనలో పేర్కొన్నారు. అలాగే స్వచ్ఛ భారత్ అభియాన్ కోసం కృషి చేసిన వారందరితోపాటు బాక్సర్ మేరీకోమ్ ను ఆయన అభినందించారు. ఆసియా క్రీడల్లో అధ్భుత ప్రతిభతో స్వర్ణం సాధించిన సాకేత్ కు ప్రత్యేక అభినందనలు తెలిపారు.

AS

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : narendra modi  saket myneni  sports minister sonowal  indian sports persons  

Other Articles