ఆప్ లో చేరడం లేదు: కపిల్ దేవ్

Posted: 03/28/2014 07:18 PM IST

టీమిండియా మాజీ కెప్టెన్ కపిల్ తో పాటు బాలీవుడ్ హీరో అమీర్ ఖాన్ కూడా ఆప్ లో చేరనున్నట్టు మీడియాలో కథనాలు వెలువడ్డాయి. ఈ వార్తలను  అమీర్ ఖాన్ ఇప్పటికే తోసిపుచ్చగా, తాజాగా కపిల్ స్పందించారు.  

కపిల్ దేవ్ ఆమ్ ఆద్మీ పార్టీలో చేరబోతున్నారని, వచ్చే లోక్ సభ ఎన్నికల్లో ఆ పార్టీ తరపున ప్రచారం చేయనున్నారని వచ్చిన వార్తలను ఆయన ఖండించారు. తాను ఆమ్ ఆద్మీలో చేరడం లేదని కపిల్ స్పష్టం చేశారు. 

తన రాజకీయ ప్రవేశం గురించి వచ్చిన వార్తలు అవాస్తవాలని వివరణ ఇచ్చారు. బంగ్లాదేశ్ లో జరుగుతున్న టి-20 ప్రపంచ కప్ లో వ్యాఖ్యాతగా వ్యవహరిస్తున్న కపిల్ ప్రస్తుతం బంగ్లాదేశ్ లో ఉన్నారు. అక్కడి నుంచే రాజకీయ ప్రవేశ వార్తలపై వివరణ ఇచ్చారు. భవిష్యత్ లో రాజకీయాల్లో చేరుతారా అన్న ప్రశ్నకు.. తనకు అలాంటి ఆలోచనే లేదని కపిల్ బదులిచ్చారు.

ఆర్ఎస్