రాణిస్తాడా ? అందరి చూపు ఇతని పైనే

Posted: 10/17/2013 07:11 PM IST

గత కొంత కాలం నుండి ఫాం కోల్పోయి, భారత జట్టుకే దూరం అయిన డ్యాషింగ్ ఓపెనర్ వీరేంద్ర సెహ్వాగ్ మళ్ళీ భారత జట్టులో కి రావాలని తీవ్రంగా ప్రయత్నిస్తున్న విషయం తెలిసిందే. ఇప్పుడు తన సత్తా నిరూపించుకునే ఛాన్స్ దొరికింది. నేటి నుండి ఎన్ కేసీ సాల్వే ఛాలెంజర్ ట్రోఫీ టోర్నీ నేటి నుండి ప్రారంభం కాబోతుంది. ఈ టోర్నీలో భారత యువ ఆటగాళ్లతో పాటు, సీనియర్ ఆటగాళ్ళు కూడా పాల్గొన బోతున్నారు. సెహ్వాగ్, యువరాజ్ సింగ్ ఆడుతున్న ఈ మ్యాచ్ ల్లో అందరి చూపు వీరూ పైనే ఉంది. ఇప్పుటికే యువరాజ్ సింగ్ మొన్న వెస్టిండీస్ ‘ఎ ’ తో జరిగిన మ్యాచ్ లో తన సత్తా చాటాడు. ఇక ఇప్పుడు నిరూపించుకోవాల్సింది వీరూనే.  టీమిండియాలో స్థానం కోల్పోయిన తర్వాత గత ఆరు నెలలుగా సెహ్వాగ్ క్రికెట్ బరిలోకి దిగలేదు. ఇదే అతను ఆడనున్న తొలి టోర్నీ. కాబట్టి ఈ  అవకాశాన్ని సద్వినియోగం చేసుకోవడం ఎంతో కీలకం. మరి వీరూ తన సత్తా చాటి టీం ఇండియాలో స్థానం సంపాదిస్తాడో లేదో చూడాలి.