కారు కొనుక్కుని వార్తలోకి సురేష్ రైనా

Posted: 11/16/2017 05:34 PM IST

టీమిండియా క్రికెటర్ సురేశ్‌ రైనా తాజాగా ఓ కారు కొనుక్కుని వార్తల్లోకి ఎక్కాడు. అదెలా అంటారా..? కొందరు ప్రముఖులు పన్ను తక్కువగా వున్న రాష్ట్రాల్లో కార్లను కొనుగోలు చేసుకుంటారు. రైనా కూడా అలాగే చేశాడంటూ కొందరు విమర్శలు గుప్పించడంతో వార్తల్లోకెక్కడు రైనా. ఉత్తరప్రదేశ్ కు చెందిన ఈ క్రికెటర్ తాజాగా ఉత్తరాఖండ్ లోని డెహ్రడూన లో విలాసవంతమైన మెర్సిడేజ్‌ బెంజ్‌ జీఎల్‌ఈ 350 డీ కారు కొనుగోలు చేశాడు. దీని విలువ సుమారు రూ.80లక్షలు.

ఉత్తర్ ప్రదేశ్ లో నుంచి నివాసముండే రైనా.. యూపీలో కారు కొనుగోలు చేసి రూ.10లక్షలకు పైగా విలువైన వాహనాలు కొనుగోలు చేస్తే 10శాతం పన్ను కట్టాలి. అదే ఉత్తరాఖండ్‌లో అయితే అది 8శాతం మాత్రమే. అందుకోసమే రైనా ఇక్కడ కారు కొన్నాడంటూ పలువురు ఆరోపించారు. ఇదే విషయాన్ని రైనా దగ్గర ప్రస్తావిస్తే.. ‘అలాంటిదేమీ లేదు. నాకు నచ్చిన నీలం రంగు కారు యూపీలో అందుబాటులో లేదు. డెహ్రడూన్ లో ఉంది అని చెప్పారు. అందుకే తాను ఇక్కడ కారు కొనుగోలు చేయాల్సి వచ్చింది. ఇది మా అమ్మనాన్నల కోసం కొన్న కారు’ అని రైనా వివరణ ఇచ్చారు.