టీమిండియాకు ప్రధాన కోచ్ కావాలి వ్యంగంగా గొయాంక ట్విట్

Posted: 06/28/2017 07:09 PM IST

టీమిండియా ప్రధాన కోచ్ అనిల్ కుంబ్లే రాజీనామా వ్యవహారంలో జట్టు కెప్టెన్ విరాట్ కోహ్లీపై సర్వత్రా విమర్శల జడివాన కురుస్తుంది. నిన్నమొన్నటి వరకు టీమిండియా మాజీ కెప్టెన్ మహేంద్ర సింగ్ ధోనిపై విమర్శలు కురిపించిన రైజింగ్ ఫూణే సూపర్ జెయింట్స్ యజమాని సంజీవ్ గొయాంక సోదరుడు హర్ష గొయాంక తాజాగా కెప్టెన్ విరాట్ కోహ్లీపై పరోక్షంగా విమర్శలు గుప్పించారు. అంతేకాదు ఏకంగా బిసిసిఐపై కూడా ఆయన విమర్శించారు.

అయితే ఆయన బిసిసిఐ ఇచ్చిన తరహాలోనే కోచ్ పదవికి ధరఖాస్తులను అహ్వానిస్తూ తనదైన శైలిలో తన ట్విటర్ అకౌంట్ ద్వారా విమర్శించారు. భారత క్రికెట్‌ జట్టుకి కోచ్‌ కావాలి. వారు ఎలా ఉండాలంటే సారథి పట్ల ఎంతో విధేయతతో, బీసీసీఐపై ఎంతో గౌరవం ఉన్న వ్యక్తి అయి ఉండాలి అని తెలిపారు. ట్విటర్‌ ఖాతాలో కోచ్‌ పదవికి దరఖాస్తు చేసుకోమని ఆయన సూచిస్తూ ఏమని పేర్కొన్నారంటే..

‘ఇండియన్‌ క్రికెట్‌ కోచ్‌’ పదవికి దరఖాస్తు చేసుకోండి..

అర్హతలు:
* టీమిండియా పర్యటనలకు సంబంధించిన షెడ్యూల్‌ను ఉత్తమంగా నిర్వహించడం.
* హోటల్‌ గదులు కేటాయించడం.
* బీసీసీఐ, భారత క్రికెట్‌ సారథి పట్ల విధేయతగా ఉండటం.. అని హర్ష సూచించారు.