ఛాంపియన్స్ ట్రోఫీ ముందు రహానేపై ట్విట్టరైట్ల అగ్రహం..

Posted: 05/31/2017 02:01 PM IST

Twitteratti warns ajinkya rahane ahead of icc champions trophy

ఐసీసీ ఛాంపియన్స్ ట్రోఫీ ఢిపెండింగ్ ఛాంపియన్స్ గా బరిలోకి దిగుతున్న టీమిండియా ఈ సారి కూడా ట్రోఫీని నిలిపుకోవాలని యావత్ భారత అభిమానులు కోరుకుంటున్న వేళ.. ఓపెనర్ అజింక్య రహానే ఫామ్ పై సర్వత్రా విమర్శలు వెల్లువెత్తుతున్నాయి. ట్రోఫీ ప్రాక్టీస్ మ్యాచ్ లలో విఫలమవుతున్న టీమిండియా ఓపెనర్ బ్యాట్స్ మెన్ రహానే అంతగా రాణించలేక పోతుండటంతో భారత క్రికెట్ అభిమానుల్లో అగ్రహం కట్టలు తెంచుకుంటుంది. దీంతో ఆయనపై ట్విటరైట్లు విమర్శలు గుప్పిస్తున్నారు.

ఇప్పటిదాకా న్యూజీలాండ్, బంగ్లాదేశ్ లతో జరిగిన రెండు వార్మప్ మ్యాచ్ లలోనూ రహానే విఫలమయ్యాడు. న్యూజిలాండ్ తో జరిగిన తొలి మ్యాచ్ లో ఓపెనర్ గా బరిలోకి దిగి నిరాశపరిచాడు. కాగా నిన్న బంగ్లాదేశ్ తో జరిగిన మ్యాచ్ లో కూడా బ్యాట్ ఎత్తేశాడు. ముస్తాఫిజర్ బౌలింగ్ లో డ్రైవ్ షాట్ ఆడబోయి క్లీన్ బౌల్డ్ అయ్యాడు. ఈ నేపథ్యంలో రహానే ఫామ్ ను తీవ్రంగా అక్షేపిస్తున్న నెట్ జనులు ఆయన తీరుపై మండిపడుతున్నారు.

అత్యంత కీలకమైన టోర్నీకి ముందు ఇంత చెత్తగా ఆడితే ఎలా అంటూ ప్రశ్నలు గుప్పిస్తున్నారు. ఇక మరికోందరు మాత్రం ట్రోర్నీ విషయాన్ని పక్కనపెడితే దాయాధి పాకిస్తాన్ తో జూన్ 4వ తేదీన జరిగే మ్యాచ్ లో రహానే వికెట్ ఏమాత్రం కష్టపడకుండానే వారి ఖాతాలోకి వెళ్లిపోతుందని విమర్శలు గుప్పిస్తున్నారు. ఇక టోర్నీలో కూడా రహానే ఏ మేరకు రాణిస్తాడనే డౌట్ అభిమానుల్లో నెలకొంది. ఈ క్రమంలో, పాక్ తో జరిగే కీలకమైన మ్యాచ్ కు రహానేను ఎంపిక చేయద్దని క్రికెట్ అభిమానులు చెబుతున్నారు. ఇండియాకు వచ్చి డొమెస్టిక్ క్రికెట్ ఆడుకోవాలంటూ రహానేపై ట్విట్టర్ లో విరుచుకుపడుతున్నారు.