నేను క్రికెటర్ కావాలన్నది నా తండ్రి కల: భజ్జీ

Posted: 01/08/2017 02:25 PM IST

It was my father s dream to make me a cricketer harbhajan singh

ప్రస్తుతం టీమిండియా జట్టలో అవకాశాలు రాని అఫ్ స్పిన్ దిగ్గజం హర్భజన్ సింగ్, తనను క్రికెటర్ కావాలని ప్రోత్సహించి, ప్రేరేమించారని తన దివంగత తండ్రి సర్థార్ సర్ దేవ్ సింగ్ ను గుర్తుచేసుకున్నారు. ప్రస్తుతం పాపులర్ సింగింగ్ రియాల్టీ షో 'ద వాయిస్ ఇండియా సీజన్ 2' లో హర్భజన్ సింగ్ అలరించేందుకు సిద్ధమయ్యాడు. ఈ కార్యక్రమంలో పోటీదారుగా ఉన్న ఫర్హాన్ ఖాన్ కోసం తాను ఈ షోలో పాల్గొంటున్నట్లు భజ్జీ తెలిపాడు.

ప్రస్తుతం జీవితంలో క్లిష్ట పరిస్థితిని ఎదుర్కొంటున్న ఫర్హాన్ ఖాన్ జీవితం తరహాలోనే తన బాల్యం కూడా సాగిందంటూ ఆనాటి జ్ఞాపకాల్ని భజ్జీ గుర్తు చేసుకున్నాడు. 'ఫర్ఖాన్ ఖాన్ పాడుతుంటే ఒళ్లు పులకరించి పోతుంది. ఆ 19 ఏళ్ల కుర్రాడు స్టేజ్పై ఎప్పుడూ పాడినా అతని పాటకి ముగ్ధుడ్ని అయిపోతాను. ఫర్ఖాన్ ఖాన్ కుటుంబ సభ్యుల ఆశీర్వాదం అతనికి ఉంటుందని ఆశిస్తున్నా. అతను కచ్చితంగా సింగింగ్ ఇండస్ట్రీలో ఒక మార్కును సృష్టిస్తాడు. అతని జీవితానికి నా జీవితం దగ్గరిగా ఉండటంతోనే ఆ షోలో పాల్గొంటున్నా' అని హర్భజన్ అన్నాడు.

హర్భజన్ సింగ్.. భారత్ క్రికెట్లో ఓ వెలుగు వెలిగిన క్రికెటర్. ప్రత్యేకంగా సౌరవ్ గంగూలీ నేతృత్వంలో సత్తా చాటుకుని భారత్ కు అనేక విజయాల్ని అందించిన ఆఫ్ స్పిన్నర్. దాంతో పాటు ధోని సారథ్యంలోని వరల్డ్ టీ 20(2007), వన్డే వరల్డ్ కప్(2011)లను టీమిండియా గెలవడంలో హర్భజన్ కీలక పాత్ర పోషించాడు. ఇప్పటివరకూ 103 టెస్టులు ఆడిన భజ్జీ 417 వికెట్లు తీసి అనిల్ కుంబ్లే (619), కపిల్ దేవ్(434) తరువాత స్థానాన్ని ఆక్రమించాడు. అతని కెరీర్లో 236 వన్డేలాడి 265 వికెట్లను సాధించగా, 28 టీ 20ల్లో 25 వికెట్లు తీశాడు. అయితే ప్రస్తుతం ఈ వెటరన్ ఆఫ్ స్పిన్నర్కు అవకాశాలు రావడం లేదు. భారత్ తరపున టెస్టులు, వన్డేలు ఆడి ఏడాదికి పైగా అయ్యింది.