బంగ్లాదేశ్ కు జరిమానా విధించిన ఐసీసీ

Posted: 03/26/2016 05:25 PM IST

టి-20 ప్రపంచ కప్లో భాగంగా చివరిదైన లీగ్ మ్యాచ్ లో టీమిండియాతో జరిగిన ఉత్కంఠ పోరులో విజయం ముంగిట ఓడిపోయిన బంగ్లాదేశ్ జట్టుకు మరో పరాభం కూడా ముటగట్టుకోవాల్సి వచ్చింది.  ఈ మ్యాచ్ ఫీజులో కోత విధిస్తూ ఐసీసీ నిర్ణయం తీసుకుంది. ఎందుకంటే మీకు అర్థమైపోయివుంటుంది. కదూ.. స్లో ఓవర్ రేట్తో బౌలింగ్ చేసినందుకు బంగ్లా కెప్టెన్ మోర్తజాకు మ్యాచ్ ఫీజులో 20 శాతం, ఇతర ఆటగాళ్లకు 10 శాతం చొప్పున జరిమానా విధించారు.

బెంగళూరులోని చిన్నస్వామి స్టేడియంలో గత బుధవారం జరిగిన ఈ మ్యాచ్లో నిర్ణీత సమయానికి బంగ్లా బౌలర్లు ఓ ఓవర్ తక్కువ వేశారు. దీంతో మ్యాచ్ రిఫరీ క్రిస్ బ్రాడ్ బంగ్లా జట్టుకు జరిమానా వేశారు. చిరస్మరణీయమైన ఈ మ్యాచ్లో ఓడిపోతుందని భావించిన టీమిండియా పరుగు తేడాతో ఉత్కంఠ విజయం సాధించిన సంగతి తెలిసిందే. చివరి మూడు బంతుల్లో బంగ్లా విజయానికి రెండు పరుగులు అవసరం కాగా.. పరుగు కూడా చేయకుండా వరుసగా మూడు వికెట్లు కోల్పోయింది.

మనోహర్