నా పరిణయానికి రండి.. ప్రధాని గారూ..!

Posted: 12/03/2015 06:58 PM IST

తన చిన్ననాటి స్నేహితురాలితో పెళ్లీ పీటలు ఎక్కనున్న టీమిండియా స్టైలిష్ బ్యాట్స్ మన్ రోహిత్ శర్మ. తమ పరిణయానికి ఏకంగా ప్రధానమంత్రి నరేంద్రమోడీనే అహ్వానించారు. ఈ నెల 13న తాను ప్రేమించిన రితికా సజ్ దేను కళ్యామాడు శుభగడియల్లో.. పెళ్లి పీటలపై కూర్చున్న తమను..(వధూవరులను) ఆశీర్వదించడానికి రావాలని ప్రధానిని కోరారు. ఇప్పటికే ఈ వివాహానికి సంబంధించిన ఏర్పాట్లలో రోహిత్ నిండా మునిగిపోయాడు.

నిన్న ఢిల్లీలోని తన మిత్రబృందానికి కళ్యాణ శుభలేఖలను అందజేసిన రోహిత్ శర్మ.. నేరుగా ప్రధానమంత్రి నరేంద్ర మోదీని కలిశాడు. తన వివాహ ఆహ్వాన పత్రికతో వెళ్లిన రోహిత్, ముందుగా ప్రధానికి పుష్పగుచ్చాన్ని అందించాడు. ఆ తరువాత మోడీకి తన వివాహ పత్రికను అందజేసి.. తన పెళ్లికి రావాలని కోరాడు. రోహిత్ భుజం తట్టిన నరేంద్ర మోదీ, అతడి ఆటతీరును ప్రశంసించారు. అయితే రోహిత్ పెళ్లికి మోదీ హాజరవుతున్నదీ, లేనిదీ మాత్రం తెలియరాలేదు.

జి. మనోహర్