సీక్రెట్ ఓపెన్ అయ్యాక.. శృతిమించినట్లుంది!

Posted: 11/23/2015 05:49 PM IST

బాలీవుడ్ నటి అనుష్క శర్మ, ఇండియా టెస్టు జట్టు కెప్టెన్ విరాట్ కోహ్లీల ప్రేమాయణానికి హద్దులేకుండా పోతోంది. కొన్నాళ్ల క్రితం.. తమ పెళ్ళికి తానేమీ హడావుడి పడడంలేదని అనుష్క స్టేట్‌మెంట్ ఇచ్చాక ఇది మరీ శృతి మించుతోంది. ఒకప్పుడు తమ ప్రేమ గురించి ప్రస్తావించేందుకు ఇష్టపడని ఈ జంట.. ఇప్పుడు అటువంటి మొహమాటం లేకుండా పబ్లిగ్గా చట్టాపట్టాలేసుకుని తిరిగేస్తోంది. వీరిద్దరికి తమతమ రంగాల్లో కాస్త విరామం దొరికితే చాలు.. ఒకరి ఒడిలో మరొకరు సేద తీర్చుకోవడం కోసం టూర్ల మీద టూర్లకు తిరిగేస్తున్నారు.

మొన్నటికి మొన్నే ఈ ప్రేమపావురాలు తమ ఏకాంత సమయాన్ని గడిపి వచ్చారో లేదో.. అప్పుడే మరో టూర్ కి వెళ్ళారు. ముంబై ఎయిర్ పోర్టులో జంటగా కనిపించిన వీరిద్దరూ.. గోవాకు పయనమయ్యారు. విరాట్ కు క్రికెట్ లో కాస్త విరామం దొరకడంతో, అదే సమయంలో అనుష్కకు షూటింగ్ లేకపోవడంతో వీరిద్దరూ తమ ఖాళీ సమయాన్ని ఏకాంతంగా, రొమాంటిక్ గా గడుపుదామని డిసైడ్ అయ్యి, గోవాకు పయనమైనట్లు తెలుస్తోంది. వీరిద్దరి ఫోటోలు తీస్తున్న సమయంలో కోహ్లీ తన తన ముఖం కనబడకుండా సరదాగా సూట్ కేసు ముఖానికి అడ్డం పెట్టుకుంటే.. అతని చిలిపి పని చూసి గర్ల్‌ఫ్రెండ్ అనుష్క చిరునవ్వులు చిందించింది.

అదే సమయంలో పెళ్ళి గురించి ప్రశ్నించగా.. పెళ్లి గోల ఇప్పుడే మాకెందుకు అన్నట్టు టూర్ల మీద టూర్లు వెళ్తూ ఎంజాయ్ చేస్తున్నారు. అయితే.. ఎంత ప్రేమిస్తే మాత్రం మరీ ఇంత ఓపెన్ గా తిరగాలా..? ఇన్ని టూర్లకు షికార్లు చేయాలా..? అన్న కామెంట్లు వచ్చిపడుతున్నాయి. వీటిని ఏమాత్రం పట్టించుకోని వారిరువురు.. తమ ప్రేమను బాగానే ఆస్వాదించుకుంటున్నారని సన్నిహిత వర్గాలు పేర్కొంటున్నాయి.

AS