బ్రిటన్ సైనికుల కోసం ధోనీ, సెహ్వాగ్

Posted: 09/17/2015 04:56 PM IST

ఎంతో మంది స్పోర్ట్స్ సూపర్ స్టార్స్ తో కలిసి మంచి పని కోసం ఆడుతుండటం ఎంతో సంతోషంగా ఉందని ఎంఎస్ ధోనీ వెల్లడించారు. బ్రిటన్ సైనికుల సంక్షేమార్ధం నిర్వహిస్తున్న ‘క్రికెట్ ఫర్ హీరోస్’ చారిటీ టి20 మ్యాచ్‌ ఆడనున్నారు ధోనీ. ధోనీతో పాటుగా మరో క్రికెట్ లెజెండ్ సెహ్వాగ్ కూడా ఇందులొ పార్టిసిపేట్ చెయ్యనున్నారు. బ్రిటన్ సైనికుల సంక్షేమార్ధం నిర్వహిస్తున్న ‘క్రికెట్ ఫర్ హీరోస్’ చారిటీ టి20 మ్యాచ్‌కు పలువురు స్టార్ ఆటగాళ్లు ప్రధాన ఆకర్షణ కానున్నారు. ఓవల్ మైదానంలో నేడు (గురువారం) జరిగే ఈ మ్యాచ్‌లో హెల్ప్ ఫర్ హీరోస్ ఎలెవన్‌తో రెస్టాఫ్ ది వరల్డ్ ఎలెవన్ జట్టు తలపడుతుంది. ఈ మ్యాచ్ ద్వారా వచ్చిన మొత్తాన్ని బ్రిటన్ తరఫున యుద్ధంలో పోరాడుతూ గాయాల పాలైన సైనికుల చికి త్స, వారి కుటుంబాల సహాయం కోసం అందజేస్తారు. ఆండ్రూ స్ట్రాస్ కెప్టెన్‌గా ఉన్న హీరోస్ ఎలెవన్ జట్టులో ధోనితోపాటు సెహ్వాగ్, గి బ్స్, ఆఫ్రిది తదితరులున్నారు. గోవర్, హో ల్డింగ్ కోచ్, మేనేజర్‌లుగా వ్యవహరిస్తారు. రె స్టాఫ్ వరల్డ్ జట్టు తరఫున బ్రెండన్ మెకల్లమ్, హేడెన్, జయవర్ధనే, గ్రేమ్ స్మిత్, వెటోరి, లారా, సౌతీ బరిలోకి దిగనున్నారు. గ్యారీ కిర్‌స్టెన్ కోచ్‌గా ఉన్న ఈ టీమ్ మేనేజర్‌గా సునీల్ గవాస్కర్ వ్యవహరిస్తుండడం విశేషం.