టీమిండియా డైరెక్టర్ గా రవిశాస్త్రి స్థానంలో గంగూలీ.?

Posted: 05/18/2015 06:13 PM IST

ఐపీఎల్ ముగిసీ ముగియగానే బంగ్లాదేశ్ పర్యటనకు వెళ్లనున్న టీమిండియాలో.. భారీ మార్పులకు చోటుచేసుకోనున్నాయి. అటు జట్టు ఆటగాళ్లతో పాటు ఇటు జట్టు సహాయ సిబ్బందిలోనూ మార్పులు చేయాలని బిసిసిఐ భావిస్తోంది. ఈ నెల 20వ తేదీని బంగ్లాదేశ్ పర్యటనకు వెళ్లనున్న భారత జట్టు ప్రకటించనున్నా బిసీసీఐ.. అదే రోజున సహాయ సిబ్బంది లోనూ మార్పలకు శ్రీకారం చుట్టనుందని తెలుస్తోంది. ముఖ్యంగా జట్టు డైరెక్టర్గా ఉన్న రవిశాస్త్రి బదులు మాజీ కెప్టెన్ సౌరవ్ గంగూలీ వైపు బిసిసిఐ చీఫ్ జగన్మోహన్ దాల్మియా మొగ్గు చూపుతున్నారు.

సుదీర్ఘంగా టీమిండియాకు కెప్టెన్ గా సేవలందించిన గంగూలీ జట్టును ఉన్నతస్థాయిలో నిలపాడనడంలో ఎటువంటి సందేహాం లేదని భావించిన ఆయన గంగూలీ గత రికార్డులను పరిగణలోకి తీసుకుని ఈ మేరకు పావులు కదుపుతున్నట్లు తెలుస్తోంది. అయితే రవిశాస్త్రిని తొలగించడానికి బలమైన కారణాలు లేకపోయినా.. బిసిసిఐ నుంచి మాజీ అధ్యక్షుడు ఎన్ శ్రీనివాసన్ సానుభూతి పరులను తొలగించాలని జగ్మోహన్ దాల్మియా భావిస్తున్నారని సమాచారం. అయితే ఎన్ శ్రీనివాసన్ కు అనుకూలంగా వున్న రవిశాస్త్రీని సాధ్యమైనంత త్వరగా తోలగించేందుకు బిసిసిఐ పావులు కదుపుతోంది. దీంతో టీమిండియా నూతన డైరెక్టర్ గా సౌరవ్ గంగూలీ సెకండ్ ఇన్నింగ్స్ ప్రారంభించనున్నాడు.

జి. మనోహర్